ఘోర రోడ్డు ప్రమాదం, మృతిచెందిన కారు డ్రైవర్‌

జహీరాబాద్ నుండి హైదరాబాద్ ఎయిర్ పోర్టుకు MH-02c1823 నెంబర్ గల కారు అతివేగం కారణంగానే కారు డివైడర్ ను ఢీకొని పల్టీ కొట్టినట్లు పోలీసులు భావిస్తూ ప్రాథమిక విచారణలో తెలిపారు. ఇదిలా ఉంటే కారులో ప్రయాణిస్తున్న డ్రైవర్ సంఘటన స్థలంలో మృతిచెందగా, మరో వ్యక్తి తీవ్రగాయాల పాలయ్యారు. సంఘటన స్థలంలో తీవ్రంగా గాయపడ్డ వ్యక్తిని హుటాహుటిన 108 అంబులెన్స్ లో ప్రభుత్వ ఆసుపత్రికి తరలించినట్లు పోలీసులు తెలిపారు.

వాహనదారులకు పోలీసుల హెచ్చరిక

ఎవరు కూడా అతివేగంతో వెళ్లవద్దని పోలీసులు సూచించారు. రోడ్డు భద్రతాపరంగా ఎన్ని కఠినచర్యలు తీసుకున్నా.. రోడ్డు ప్రమాదాలు జరుగుతూనే ఉన్నాయని పోలీసులు తెలిపారు. అతివేగాన్ని నిర్మూలించేందుకే స్పీడ్‌ బ్రేకర్స్ ఏర్పాటు చేశామని తెలిపారు. అంతేకాకుండా ప్రయాణికులు సైతం రోడ్డు ప్రమాణాలను పాటించి తమ ప్రాణాలను కాపాడుకోవాలని వాహనదారులకు సూచించారు.