హిట్ సినిమా వచ్చింది.. ఫ్లాప్ మూవీ రాబోతోంది

థియేటర్లతో సమానంగా ఓటీటీలో కూడా హంగామా నడుస్తున్న సంగతి తెలిసిందే. ఎప్పటికప్పుడు కొత్త సినిమాలు ఓటీటీలో తళుక్కుమంటున్నాయి. ఓవైపు థియేటర్లలో బ్రో, బేబి సినిమాల హంగామా నడుస్తుంటే.. మరో వైపు ఓటీటీలో సామజవరగమన సినిమా స్ట్రీమింగ్ కు వచ్చింది.

శ్రీ విష్ణు హీరోగా నటించిన సినిమా సామజవరగమన. రామ్ అబ్బరాజు దర్శకత్వంలో వచ్చిన ఈ సినిమా ఈమధ్య కాలంలో బిగ్గెస్ట్ హిట్ గా నిలిచింది. ఏకంగా థియేటర్లలో 3 వారాల పాటు సక్సెస్ ఫుల్ గా నడిచింది. ఇంకా కొన్ని థియేటర్లలో నడుస్తోంది. ఈ సినిమాను ఆహాలో స్ట్రీమింగ్ కు పెట్టారు. స్ట్రీమింగ్ కు పెట్టిన గంటల వ్యవధిలోనే ఆహాకు రికార్డ్ స్థాయిలో వ్యూస్, సబ్ స్క్రైబర్లు పెరిగారు.

ఓవైపు సామజవరగమన హవా ఇలా నడుస్తుంటే, మరోవైపు ఓ ఫ్లాప్ సినిమా కూడా ఓటీటీలోకి రాబోతోంది. దాని పేరు రంగబలి. నాగశౌర్య హీరోగా నటించిన ఈ సినిమా సామజవరగమనతో పాటు థియేటర్లలోకి వచ్చింది. కానీ నిలబడలేకపోయింది.

ఈనెల 4న స్ట్రీమింగ్ కు రాబోతున్న ఈ సినిమాపై కూడా ఓ మోస్తరు అంచనాలున్నాయి. ఎందుకంటే, ఫ్లాప్ టాక్ రావడంతో థియేటర్లకు వెళ్లడానికి చాలామంది ఇంట్రెస్ట్ చూపించలేదు. అలాంటి వాళ్లంతా ఓటీటీలో ఈ సినిమాను చూడ్డానికి ఎదురుచూస్తున్నారు.