భద్రాద్రి కొత్తగూడెంలో ఘోర రోడ్డు ప్రమాదం.. ఆటో-కారు ఢీ.. ఒకరి మృతి!

అనుకోని ఈ ప్రమాదంతో గ్రామస్తులంతా ఒక్కసారిగా ఉలిక్కిపడ్డారు. అసలు ఏం జరిగిందో తెలిసేలోగానే పిల్లలంతా చెల్లాచెదురుగా పడ్డారు. కారు డ్రైవర్ మద్యం మత్తులో ఉన్నట్టు గ్రామస్తులు ఆరోపిస్తున్నారు. కారులో మద్యం బాటిళ్లు ఉన్నట్లు చెబుతున్నారు. ఈ ప్రమాదంలో డ్రైవర్‌తో సహా ఐదుగురు విద్యార్థులు గాయపడటంతో 108 వాహన సహాయంతో ఆస్పత్రికి తరలించారు. వీరంతా ప్రతిరోజు ములకలపల్లి మండలం పూసగూడెం, సుబ్బనపల్లి, వికె రామవరం గ్రామాల నుంచి పాల్వంచ వెళ్లి చదువుకునే విద్యార్థులు. ఈ ప్రమాదంలో గాయపడిన వారంతా పాల్వంచ పట్టణ పరిధిలోని డిఏవి, త్రివేణి, రెజీనా పాఠశాలలకు చెందిన విద్యార్థులుగా గుర్తించారు.

గాయపడిన వారి అర్తనాథాలతో ఆస్పత్రిలో బీతావాహక వాతావరణం ఏర్పడింది. ఈ ప్రమాదంలో కారు ముందుభాగం అంత చిత్తుకాగా, ఆటో నుజ్జునుజ్జు అయ్యింది. ఈ ప్రమాదంలో పూసగూడెం గ్రామానికి చెందిన 6వ తరగతి విద్యార్థి రచ్చ ఈశ్వర్ (12)గా గుర్తించారు. విద్యార్థి మృతితో తల్లిదండ్రులు రోదన ఆపటం ఎవరివల్లా కావటం లేదు. ప్రమాదంపై సమాచారం అందుకున్న పోలీసులు సంఘటనా స్థలానికి చేరుకొని కేసు నమోదు చేసి దర్యాప్తు చేపట్టారు.