Ananth Ambani: రాధిక డ్రెస్ లో అనంత్ అంబానీ రాసిన ప్రేమ లేఖ.. ఫొటో వైరల్

Ananth Ambani: జామ్‌నగర్‌లో మూడు రోజుల గ్రాండ్ ప్రీ వెడ్డింగ్ పార్టీ తర్వాత, ఇటీవలే అనంత్ , రాధికా అంబానీల సెకండ్ ప్రీ వెడ్డింగ్ వేడుకలు లగ్జరీ క్రూయిజ్ లో గ్రాండ్ గా జరిగాయి. ఈ లగ్జరీ క్రూయిజ్ లో మే 30న ఇటలీలో ప్రారంభమైన ప్రీ వెడ్డింగ్ సెలెబ్రేషన్స్ జూన్ 1న ఫ్రాన్స్‌లో ముగిశాయి. దాదాపు 300 పైగా VIPలు, బాలీవుడ్ స్టార్స్ ఈ క్రూయిజ్ వేడుకల్లో సందడి చేశారు.

సెకండ్ ప్రీ వెడ్డింగ్

అయితే తాజాగా అనంత్, రాధికా సెకండ్ ప్రీ వెడ్డింగ్ కు సంబంధించిన ఫొటోలు బయటకు వచ్చాయి. 4 రోజుల పాటు సాగిన క్రూయిజ్ పార్టీలో రాధిక మర్చంట్ ప్రతి లుక్ ఫోటోలో చాలా ప్రత్యేకంగా కనిపించింది. ఇందులో రాధికా ధరించిన బ్లాక్ అండ్ వైట్ డ్రెస్ కు చాలా ప్రత్యేకత ఉంది. అంతే కాదు రాధికా ఈ డ్రెస్ ను తన పిల్లలు, మనవళ్ల కోసం కూడా సురక్షితంగా ఉంచాలనుకుంటోదట. అసలు ఈ డ్రెస్ స్పెషాలిటీ ఏంటో ఇప్పుడు తెలుసుకుందాము..

బ్లాక్ అండ్ వైట్ గౌన్ స్పెషాలిటీ

ఈ బ్లాక్ అండ్ వైట్ ఆఫ్ షోల్డర్ గౌన్‌పై అనంత్ అంబానీ రాసిన ప్రేమలేఖను ముద్రించారు. రాధికా మర్చంట్ 22వ పుట్టినరోజు సందర్భంగా అనంత్ అంబానీ రాసిన ప్రేమ లేఖను రాధికా తన డ్రెస్ పై అందంగా డిజైన్ చేయించుకున్నారు. ఈ స్పెషల్ డిజైనర్ గౌను ను డిజైనర్ రాబర్ట్ వున్ డిజైన్ చేశారు. ఈ లుక్ కు సంబంధించిన ఫొటోలు ప్రస్తుతం నెట్టింట వైరలవుతున్నాయి.

Also Read: Ambani Pre Wedding: అనంత్ అంబానీ సెకండ్ ప్రీ వెడ్డింగ్ వేడుకల్లో.. గెస్టులకు ఆ కండీషన్..?