అలాగే డయానా-చార్లెస్‌ల వివాహం బ్రిటీష్ రాయల్ ఫ్యామిలీ చరిత్రలో అత్యధికంగా వీక్షణలు పొందిన ఈవెంట్‌లలో ఒకటిగా నిలిచిపోయింది. మొత్తం 28.4 మిలియన్లకు పైగా ప్రజలు ఈ వేడుకను తిలకించారు. ఇక యువరాణి డయానా వివాహ దుస్తులు కూడా అన్ని జనరేషన్ లలో ఇప్పటివరకూ అత్యంత ప్రసిద్ధమైనదిగా పరిగణించబడుతున్నాయి. ఈ జంట వారి నిశ్చితార్థం, వివాహానికి కలిసి మొత్తం 3 వేలకు పైగా బహుమతులు పొందారు.

ఇందులో ఖరీదైన వజ్రాలు, బంగారు ఆభరణాలు, అరుదైన గడియారాలు, విలాసవంతమైన పాత్రలున్నాయి. వేడుకలో 250 మంది సంగీతకారులు ప్రత్యక్ష సంగీతాన్ని ప్రదర్శించారు. 1400 మంది ముఖ్య అతిథులు హాజరయ్యారు. కానీ అట్టహాసంగా జరిగిన పెళ్లి మూడునాళ్ల ముచ్చటగానే మిగిలింది. చార్లెస్, డయానాలు కొంతకాలానికి విడాకులు తీసుకున్నారు. చివరికి యువరాణి డయానా కారు ప్రమాదంలో మరణించారు.