PM Modi: సంచలన నిర్ణయాలు తీసుకోబోతున్నాం.. ప్రధాని మోదీ కీలక ప్రకటన..

PM Modi on Parliament Special Session: ఈ పార్లమెంట్ ప్రత్యేక సమావేశాల్లో సంచలన నిర్ణయాలు తీసుకోబోతున్నామని ప్రధాని నరేంద్ర మోదీ(PM Modi) ప్రకటించారు. వినాయక చవితి పర్వదినాన పార్లమెంట్(Parliament) ప్రత్యేక సమావేశాలు ప్రారంభం అవుతున్నాయి. ఉదయం 11 గంటలకే సభ ప్రారంభం కానుండగా.. ప్రధాని మోదీ మీడియాతో మాట్లాడారు. ఈ పార్లమెంట్‌ సెషన్స్‌లో చరిత్రాత్మక నిర్ణయాలు తీసుకోబోతున్నామని తెలిపారు. ఈ పార్లమెంట్ భవనం చారిత్రక కట్టడం అని, పార్లమెంట్ దేశ ప్రతిష్టను పెంపొందించిందన్నారు. ఈ పార్లమెంట్ వేదికగానే.. నేడు కీలక నిర్ణయాలు ఉంటాయని తెలిపారు.

చంద్రయాన్ - 3 ప్రయోగాన్ని విజయవంతంగా నిర్వహించామన్న ప్రధాని మోదీ.. జీ-20 సమావేశాలను సైతం విజయంతంగా నిర్వహించుకున్నామన్నారు. జీ-20 విజయాన్ని ప్రపంచాధినేతలు ప్రశంసించారని పేర్కొన్నారు. భారతదేశం సత్తా ఏంటో చూపించామన్నారు. భారత పురోగతిని ప్రపంచం అంతా కొనియాడుతోందన్నారు. సకల వసతులతో యశోభూమిని నిర్మించుకున్నామని తెలిపారు ప్రధాని మోదీ. పార్లమెంట్ భవనంపై మువ్వన్నెల జెండా రెపరెపలాడుతోందన్నారు. దేశ వ్యాప్తంగా నూతన ఉత్సాహం వెల్లివిరిస్తోందన్నారు.

5 రోజులు పార్లమెంట్ సమావేశాలు..

పార్లమెంట్ ప్రత్యేక సమావేశాలు నేటి నుంచి అంటే (సోమవారం - సెప్టెంబర్ 18) నుంచి ప్రారంభం కానున్నాయి. మొదట ప్రత్యేక సమావేశం అని ప్రకటించిన కేంద్ర ప్రభుత్వం.. ఆ తరువాత సాధారణ సమావేశాలేనని క్లారిటీ ఇచ్చింది. ఐదు రోజుల పాటు జరిగే ఈ సమావేశాలు నేటి నుంచి సెప్టెంబర్ 22 వరకు కొనసాగనుంది. సభా కార్యక్రమాలు ఉదయం 11 గంటల నుంచి మధ్యాహ్నం 1 గంట వరకు, తర్వాత మధ్యాహ్నం 2 గంటల నుంచి సాయంత్రం 6 గంటల వరకు కొనసాగుతాయి. ఈ సెషన్‌లో 75 ఏళ్ల పార్లమెంటు ప్రయాణంపై చర్చించాలని, ఎన్నికల కమిషనర్ల నియామకంతో పాటు నాలుగు బిల్లులను పరిశీలించాలని కేంద్రం ప్రతిపాదించింది.

Also Read:

Ganesh Chaturthi 2023: పొత్తి కడుపులో.. బొజ్జ గణపయ్య.. చూస్తే వావ్ అనాల్సిందే..

Andhra Pradesh: నేడు తిరుమలకు సీఎం జగన్.. శ్రీవారికి పట్టువస్త్రాల సమర్పణ..