Paytm కొత్త వ్యాపారం..ఊబర్..ఓలా కు దబిడి దిబిడేనా?

ప్రముఖ ఫిన్‌టెక్ కంపెనీ Paytm ఇప్పుడు రైడ్-హెయిలింగ్ ప్లాట్‌ఫారమ్ Ola-Uberలకు పోటీ ఇవ్వడానికి సిద్ధమవుతోంది. త్వరలో పేటీఎం కొన్ని ఎంపిక చేసిన నగరాల్లో తన యాప్ ద్వారా ఆటో బుకింగ్ సౌకర్యాన్ని అందించబోతోంది. దీని కోసం, కంపెనీ ప్రభుత్వ ప్లాట్‌ఫారమ్ ఓపెన్ నెట్‌వర్క్ ఫర్ డిజిటల్ కామర్స్ (ONDC) సహాయం తీసుకుంది. అయితే, ఈ ఫీచర్ ఇప్పటికె Paytm యాప్‌లో టెస్టింగ్ మోడ్‌లో ఉంది.  కాబట్టి ప్రస్తుతం ఇది కొంతమంది వినియోగదారులకు మాత్రమే కనిపిస్తుంది.

Paytm ఆటో ఈ ఆప్షన్ మొదట ఢిల్లీ, బెంగళూరు - చెన్నైలలో ఉంది.  దీనిని తరువాత మరిన్ని ప్రాంతాలకు విస్తరిస్తారు. దీంతో, Ola-Uber కాకుండా, ప్రజలు ఇప్పుడు తమ ప్రయాణాల కోసం  పేటీఎం ద్వారా ఆటో లను బుక్ చేసుకోగలరు. గత రెండు సంవత్సరాలుగా, ఫిన్‌టెక్ కంపెనీ Paytm ఆహార పంపిణీ, కిరాణా, ఫ్యాషన్,  ఎలక్ట్రానిక్స్‌తో సహా అనేక ఇ-కామర్స్ విభాగాలలో ONDCతో టెస్ట్ చేసింది. తరువాత ఆ రంగాలలో తన సర్వేశులను లైవ్ చేసింది. 

Also Read: SIP ఇన్వెస్ట్మెంట్స్ జోరు.. స్మాల్ క్యాప్ ఫండ్స్ అదరగొడుతున్నాయి 

ఈ ఫీచర్ నమ్మ యాత్రి మద్దతుతో పని చేస్తుంది

Paytm యాప్‌లో ఆటో బుకింగ్ సౌకర్యం నమ్మ యాత్రి మద్దతుతో పని చేస్తుంది. ఇందులో ట్రాన్సాక్షన్‌లో సెల్లర్ సైడ్ యాప్‌గా పనిచేస్తోంది. నమ్మ యాత్రి డ్రైవర్ల నుండి సబ్‌స్క్రిప్షన్ ద్వారా ఈ ట్రిప్‌లలో డబ్బు సంపాదిస్తుంది.  అయితే సోర్సెస్ ప్రకారం, కొనుగోలు సైడ్ యాప్‌లు ప్రతి రైడ్‌లో డ్రైవర్ల నుండి కమీషన్ తీసుకోవచ్చు. గత రెండేళ్లలో, ఢిల్లీ, కోల్‌కతా, బెంగళూరు సహా 7 నగరాల్లో నమ్మ యాత్రి 3.73 కోట్ల రైడ్‌లను నిర్వహించింది.  వీటిలో ఎక్కువ భాగం ఆటో రైడ్‌లు. ఇప్పుడు క్యాబ్ బుకింగ్స్ కూడా స్టార్ట్ చేస్తోంది. మనీకంట్రోల్ నివేదిక ప్రకారం, రాబోయే కాలంలో దీనిపై క్యాబ్ బుకింగ్ కూడా చేయవచ్చని ఒక సోర్స్ చెబుతోంది.

ONDC అంటే ఏమిటి?

ONDC అనేది UPI వంటి డిజిటల్ రూపంలో పనిచేసే ప్రభుత్వ ప్లాట్‌ఫారమ్. ఇది దుకాణదారులు - కొనుగోలుదారులకు ఆన్‌లైన్ మార్కెట్‌ప్లేస్‌ను అందిస్తుంది. ఓలా, ఫోన్‌పే, మీషో, షిప్రోకెట్ వంటి కంపెనీలు కూడా దీనిపై ముందుకు వచ్చాయి. ONDCలో Paytm ఫీచర్ ఒక ప్రత్యేక సంస్థ, Pai ప్లాట్‌ఫారమ్‌లు నిర్వహిస్తాయి. Paytmకి ఇందులో ఎటువంటి వాటా లేదు, కానీ Paytm వ్యవస్థాపకుడు - CEO విజయ్ శేఖర్ శర్మకు ఇందులో వాటా ఉంది. Pai ప్లాట్‌ఫారమ్ ONDC యాప్ PaiPai కొంతకాలం క్రితం అనుకోకుండా Google Play Storeలో ప్రారంభించారు. కానీ దానిని తరువాత గూగుల్ ప్లే స్టోర్ నుంచి తొలగించారు.