Pavel Durov: టెలిగ్రామ్ చీఫ్ పావెల్ దురోవ్‌ అరెస్ట్! ఎందుకంటే.. 

Pavel Durov: టెలిగ్రామ్ అప్లికేషన్ చీఫ్ పావెల్ దురోవ్‌ను పారిస్‌లో అరెస్టు చేశారు. పారిస్‌లోని విమానాశ్రయంలో అతడిని అరెస్టు చేసినట్లు అంతర్జాతీయ వార్తా సంస్థ రాయిటర్స్ వెల్లడించింది. టెలిగ్రామ్‌కు సంబంధించిన నేరాలకు ఈ అరెస్టు జరిగినట్లు తెలుస్తోంది.  పావెల్ దురోవ్ టెలిగ్రామ్ ద్వారా నేరాలను నిరోధించడంలో విఫలమయ్యారని ఆరోపణలను ఎదుర్కొంటున్నారు. పావెల్‌పై వచ్చిన ఆరోపణల గురించి మరిన్ని విస్తుగొలిపే వార్తలు వెలువడుతున్నాయి. ఫ్రాన్స్‌కు చెందిన OFMIN, మైనర్లపై హింసను నిరోధించే ఏజెన్సీగా వ్యవహరిస్తోంది.  మోసం, మాదకద్రవ్యాల అక్రమ రవాణా, సైబర్ బెదిరింపు, వ్యవస్థీకృత నేరాలు, ఉగ్రవాదాన్ని ప్రోత్సహించడం వంటి ఆరోపణలపై ప్రాథమిక దర్యాప్తులో సమన్వయ ఏజెన్సీగా దురోవ్‌కు ఏఈ సంస్థ గతంలోనే అరెస్ట్ వారెంట్ జారీ చేసింది. ముప్పై తొమ్మిదేళ్ల పావెల్ దురోవ్ టెలిగ్రామ్ సహ వ్యవస్థాపకుడు, CEOగా వ్యవహరిస్తున్నారు. . 

Pavel Durov: స్థానిక కాలమానం ప్రకారం శనివారం సాయంత్రం పారిస్ శివార్లలోని లే బోర్గెట్ విమానాశ్రయంలో పావెల్ దురోవ్‌ను అరెస్టు చేశారు. అతను తన ప్రైవేట్ జెట్‌లో అజర్‌బైజాన్ నుండి అక్కడకు వచ్చాడు. దురోవ్‌ను ఈరోజు(ఆదివారం) కోర్టులో హాజరుపరచనున్నట్లు రాయిటర్స్ తెలిపింది. అరెస్టుపై టెలిగ్రామ్ అధికారికంగా వ్యాఖ్యానించలేదు. పారిస్‌లోని రష్యన్ ఎంబసీ ప్రతిస్పందన కూడా తెలియరాలేదు. 

Pavel Durov: పావెల్ దురోవ్ రష్యన్ మూలానికి చెందినవాడు.  ప్రస్తుతం దుబాయ్‌లో నివసిస్తున్నాడు. టెలిగ్రామ్ ప్రధాన కార్యాలయం కూడా దుబాయ్‌లో ఉంది. ఫ్రెంచ్ పౌరసత్వంతో పాటు, దురోవ్ UAE పౌరసత్వాన్ని కూడా కలిగి ఉన్నాడు. ఫోర్బ్స్ అంచనా ప్రకారం డ్యూరో నికర విలువ $15.5 బిలియన్లు. దురోవ్, అతని సోదరుడు నికోలాయ్ 2013లో టెలిగ్రామ్‌ను స్థాపించారు. టెలిగ్రామ్‌లో ప్రస్తుతం 900 మిలియన్ల క్రియాశీల వినియోగదారులు ఉన్నారు. టెలిగ్రామ్, ఎండ్-టు-ఎండ్ ఎన్‌క్రిప్టెడ్ మెసేజింగ్ యాప్, వీడియో షేరింగ్ అప్లికేషన్‌గా అందరి దృష్టిని ఆకర్షించింది.
టెలిగ్రామ్‌ను స్థాపించడానికి ముందు, పావెల్ దురోవ్ రష్యాలో VK అనే సోషల్ మీడియా ప్లాట్‌ఫారమ్‌ను స్థాపించారు.

Also Read : మీ ఆధార్ కార్డు మిస్ యూజ్ అవుతోందని డౌటా? ఇంటి నుంచే తెలుసుకోండిలా!