Owaisi Oath Controversy: ఒవైసీ జై పాలస్తీనా నినాదం.. మళ్ళీ ప్రమాణ స్వీకారం చేయాల్సిందేనా?

Owaisi Oath Controversy: 18వ లోక్‌సభ తొలి సెషన్‌లో ఎంపీల ప్రమాణస్వీకారం రెండో రోజు ఏఐఎంఐఎం జాతీయ అధ్యక్షుడు, ఎంపీ అసదుద్దీన్ ఒవైసీ ప్రమాణ స్వీకారం చేసి ఆ తర్వాత సభలోనే జై పాలస్తీనా నినాదాన్ని వినిపించారు. ముందుగా జై భీమ్ అన్నారు. అనంతరం జై తెలంగాణ, జై పాలస్తీనా అంటూ నినాదాలు చేశారు. పాలస్తీనా విషయంలో ఒవైసీ చేసిన నినాదంతో రాజకీయాలు వేడెక్కాయి. ఈ నినాదాన్ని లేవనెత్తిన తర్వాత ఒవైసీ మళ్లీ ప్రమాణ స్వీకారం చేయాల్సి ఉంటుందా? లేక లోక్‌సభకు అనర్హులు అవుతారా? రాజ్యాంగంలో ఇలాంటి అంశాలకు సంబంధించిన నిబంధనలు ఏమిటో తెలుసుకుందాం.

రాజ్యాంగంలోని ఆర్టికల్ 102 ప్రకారం ఒవైసీ లోక్‌సభకు అనర్హుడని ప్రకటించాలని బీజేపీ డిమాండ్ చేసింది. దీని తర్వాత స్పీకర్ అతని నినాదాన్ని రికార్డు నుండి తొలగించారు.  అయితే ఇప్పుడు ఇద్దరు న్యాయవాదులు అసదుద్దీన్ ఒవైసీపై రాష్ట్రపతికి ఫిర్యాదు చేశారు.

అనర్హత వేటు వేయాలని డిమాండ్..
Owaisi Oath Controversy: హైదరాబాద్ ఎంపీ అసదుద్దీన్ ఒవైసీపై రాష్ట్రపతి ద్రౌపది ముర్ముకు ఫిర్యాదు చేసినట్లు న్యాయవాది వినీత్ జిందాల్ పేర్కొన్నారు. భారత రాజ్యాంగంలోని ఆర్టికల్ 103 కింద రాష్ట్రపతికి ఫిర్యాదు చేసినట్లు సోషల్ మీడియాలో పోస్ట్‌లో రాశారు. ఇందులో పరాయి దేశమైన పాలస్తీనా పట్ల విధేయత చూపినందుకు ఆర్టికల్ 102 (4) ప్రకారం అసదుద్దీన్ ఒవైసీని అనర్హులుగా ప్రకటించాలనే డిమాండ్ ఉంది. సుప్రీంకోర్టు న్యాయవాది హరిశంకర్ జైన్ కూడా అసదుద్దీన్ ఒవైసీపై రాష్ట్రపతికి ఫిర్యాదు చేశారు. ఒవైసీపై అనర్హత వేటు వేయాలని డిమాండ్‌ చేశారు.

రాజ్యాంగంలోని ఆర్టికల్ 102లో అనర్హత నిబంధన
Owaisi Oath Controversy: పార్లమెంటు ఉభయ సభల సభ్యులను అనర్హులుగా ప్రకటించే నియమాలు భారత రాజ్యాంగంలోని ఆర్టికల్ 102లో పేర్కొన్నారు. ఆర్టికల్ 102 (D) ప్రకారం, సభ్యుడు ఒక విదేశీ రాష్ట్రానికి విధేయతను ప్రతిజ్ఞ చేస్తే, అతని సభ్యత్వాన్ని రద్దు చేయవచ్చు. రాజ్యాంగంలోని ఆర్టికల్ 103 ప్రకారం, ఆర్టికల్ 102 కింద ఎవరైనా అనర్హులు అని తేలితే, ఆ ఎంపీ సభ్యత్వంపై రాష్ట్రపతి తుది నిర్ణయం తీసుకుంటారని, ఒవైసీ సభ్యత్వాన్ని రద్దు చేయాలని డిమాండ్ చేశారు.

మరొక దేశం పట్ల విధేయత చూపితే సభ్యత్వం కోల్పోవచ్చు..
Owaisi Oath Controversy రాజ్యాంగంలోని ఆర్టికల్ 102 ప్రకారం సభ్యులపై అనర్హత వేటు వేయడానికి కొన్ని షరతులు ఉన్నాయని సుప్రీంకోర్టు న్యాయవాది అశ్విని కుమార్ దూబే వివరించారు. ఈ షరతుల్లో ఒకటి ఏమిటంటే, ఏ సభ్యునికైనా భారతదేశం కాకుండా మరే దేశంపైనైనా విశ్వాసం లేదా నమ్మకం ఉంటే, ఆ పరిస్థితిలో ఏ సభ్యుడు అయినా అనర్హుడే అవుతారు. ఇది కాకుండా, లోక్‌సభ సెక్రటేరియట్ నిబంధనల ప్రకారం, ప్రమాణ స్వీకారం కంటెంట్ ఫిక్స్ డ్ ఫరెంట్ లో ఉంది. దీని భాషలు భిన్నంగా ఉండవచ్చు కానీ ప్రతిజ్ఞ ఆకృతి ఒకేలా ఉంటుంది.  అది హిందీ-ఇంగ్లీష్ లేదా ఎనిమిదవ షెడ్యూల్‌లో చేర్చబడిన మరే ఇతర భాష అయినా. అయితే ఏ సభ్యుడైనా వేరే దేశంపై విశ్వాసం చూపిస్తే స్పీకర్ అతనిని అనర్హులుగా ప్రకటించవచ్చు. అసదుద్దీన్ ఒవైసీ విషయానికి వస్తే, ఆయన జై పాలస్తీనా అన్న మాట మరో దేశం పట్ల ఆయనకున్న నమ్మకాన్ని చూపుతోందా లేదా అనేది చూడాలి అని న్యాయవాది అశ్విని కుమార్ దూబే అన్నారు. పార్లమెంటులో జై పాలస్తీనా చెప్పడం భారతదేశ సమగ్రతను ప్రభావితం చేస్తుందా? అది వేరే దేశం పట్ల విధేయతను చూపుతుందా? లేదా లోక్‌సభలో జై పాలస్తీనా అనడం మేం పాలస్తీనాతోనే ఉన్నామని చెప్పడమే అవుతుందా అనేది తేలాల్సిన విషయం.

అసదుద్దీన్ ఒవైసీ మళ్లీ ప్రమాణ స్వీకారం చేయాల్సి ఉంటుందా?
Owaisi Oath Controversy: ఏఐఎంఐఎం అధినేత ఒవైసీ లోక్‌సభలో మరోసారి ప్రమాణ స్వీకారం చేయనున్నారనే అంశం ఈ ఏడాది రాజ్యసభలో వెలుగులోకి వచ్చింది. ఒవైసీ మాదిరిగానే 2024లో రాజ్యసభకు ఎన్నికైన ఎంపీ స్వాతి మలివాల్ కూడా ప్రమాణ స్వీకారం చేసిన తర్వాత ఇంక్విలాబ్ జిందాబాద్ అంటూ ప్రత్యేకంగా నినాదాలు చేశారు. అప్పుడు రాజ్యసభ ఛైర్మన్ స్వాతి మలివాల్‌కు మళ్లీ ప్రమాణ స్వీకారం చేయాల్సి ఉంటుందని చెప్పారు.