/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/10/Osmania-University-jpg.webp)
Osmania university: పీజీలో ఫెయిల్ అయిన అభ్యర్థులకు ఉస్మానియా యూనివర్సిటీ బంపర్ ఆఫర్ ఇచ్చింది. బ్యాక్ లాగ్స్ క్లియర్ చేసుకోవడానికి 'వన్ టైం ఛాన్స్'కు అవకాశం కల్పించింది. 2000-2001 నుంచి 2018-19 విద్యా సంవత్సరాల్లో ఓయూ అనుబంధ కళాశాలల్లో చదివి సకాలంలో 4 సెమిస్టర్లు క్లియర్ చేయని విద్యార్థులు ఈ అవకాశం వినియోగించుకోవాలని సూచించింది.
అయితే ఈ పరీక్షలు రాయాలనుకునేవారు గతంలోని హాల్ టికెట్, మార్కుల మెమో కాపీలను అప్లికేషన్ కు జతచేసి ఆగస్టు 16 వరకు ఫీజు చెల్లించాలని సూచించింది. ఇక రూ.500 లేట్ ఫీజు ఆగస్టు 28 వరకు చెల్లించుకోవచ్చని సంబంధితి అధికారులు తెలిపారు. ఈ మేరకు పూర్తి వివరాలకు ఓయూ పరీక్షల విభాగం, ఓయూ అధికారిక వెబ్ సైట్ ను సంప్రదించాలని ప్రకటనలో పేర్కొన్నారు. అధికారిక వెబ్ సైట్: https://www.osmania.ac.in/examination-results.php
ఇక హైదరాబాద్ లోని ఉస్మానియా విశ్వవిద్యాలయం గత కొన్నేళ్లుగా బ్యాక్ ల్యాగ్స్ క్లియర్ చేసుకునేందుకు వన్ టైం ఛాన్స్ ఇస్తున్న సంగతి తెలిసిందే. కాగా గతంలో నామమాత్రపు ఫీజుతో ఈ పరీక్షలు నిర్వహించిన ఓయూ గతేడాది నుంచి పెనాల్టీ ఛార్జెస్ కింద భారీ మొత్తంలో వసూలు చేయడం వివాదాస్పమైంది.