Inspirational Women : సోషల్ మీడియాలో స్ఫూర్తిదాయక మహిళలు.. ఫాలో అవండి.. సవాళ్లకు ఎదురువెళ్ళండి

Inspirational Women : కష్టానికి మహిళా.. పురుష బేధం ఉండదు. కానీ, కష్టాన్ని ఎదుర్కొని.. ప్రపంచాన్ని జయించడంలో మహిళలు(Women's) వెనుకబడే ఉన్నారు. నిజానికి పురుషుల కంటే, మహిళలే మానసికంగా స్ట్రాంగ్ గా ఉంటారు. కానీ, ఏదైనా పెద్ద ఆపద వచ్చినపుడు మాత్రం దానిని అధిగమించడానికి ఎవరో ఒకరి మీద ఆధారపడిపోతుంటారు. తాము సబలలం అని మర్చిపోతుంటారు. సామాజికంగా కూడా మహిళలకు కష్టం వచ్చినపుడు వారికి పెద్దగా ప్రోత్సాహం లభించదు అనేది చేదు నిజం. కానీ, కొంతమంది మహిళలు తమ బలాన్ని కష్టం వచ్చినపుడే సరిగ్గా చూపిస్తారు. సవాళ్లకు ఎదురెళ్లి విజయాల్ని అందుకుంటారు. అటువంటి కొందరు మహిళలను ఇప్పుడు పరిచయం చేయబోతున్నాం. వారి సోషల్ మీడియా లింక్స్ కూడా అందిస్తున్నాం. మహిళా దినోత్సవం సందర్భంగా మహిళల నిజమైన శక్తికి నిర్వచనంలా నిలిచి.. కష్టాలను.. అవమానాలను తొక్కుకుంటూ విజయపథంలో నిలిచిన వీరిని ఫాలో అవడం ద్వారా మీరూ స్ఫూర్తి పొందవచ్చు. వాగారిని అనుసరించడం ద్వారా సవాళ్లకు ఎదురెళ్ళడంలో ఉండే ఆనందం.. అప్పుడు వచ్చే విజయంలో వచ్చే మజా ఆస్వాదించవచ్చు. 

అన్నా టర్నీ

అన్నా టర్నీ బ్రిటీష్ పారాలింపిక్ స్కీ రేసర్

Inspirational Women : అన్నా టర్నీ బ్రిటీష్ పారాలింపిక్ స్కీ రేసర్. ఆమె  2010 వాంకోవర్ పారాలింపిక్స్,  2014 సోచి పారాలింపిక్స్‌లో బ్రిటన్‌కు ప్రాతినిధ్యం వహించింది. 2006లో, అన్నా స్నోబోర్డింగ్ చేస్తున్నప్పుడు తీవ్రమైన ప్రమాదానికి గురైంది, ఈ క్రమంలో ఆమె వెన్ను విరిగింది. ఆ సమయంలో కుంగుబాటును జయించి ఆత్మస్థైర్యాన్ని పోగేసుకుని ముందుకు సాగింది. అసాధారణమైన పట్టుదలతో ఆమె తన భయాలను జయించింది. ఎగ్జిక్యూటివ్ పెర్ఫార్మెన్స్ కోచ్, అథ్లెట్ మెంటర్‌గా, యువ క్రీడాకారులకు ప్రధాన మద్దతుదారుగా ఇప్పుడు అన్నా ఉన్నారు.  వికలాంగ అథ్లెట్లు ఎదుర్కొంటున్న సవాళ్లు.. వారి విజయాలుహైలైట్ చేయడానికి ఆమె తన సోషల్ మీడియా ప్లాట్‌ఫారమ్‌లను ఉపయోగిస్తున్నారు. అంతేకాదు అన్నా.. వాతావరణ వాలంటీర్ గా వ్యవహరిస్తున్నారు. ఆమె వాతావరణ మార్పుల వాళ్ళ వచ్చే ముప్పుల గురించి సోషల్ మీడియాలో తన ఫాలోవర్స్ కి సందేశాలు ఇస్తూ ఉంటారు. 

Instagram - @skiraceanna

Twitter – @SkiRaceAnna

లింక్డ్ఇన్ - @Anna Turney

షార్లెట్ ఎడ్వర్డ్స్

షార్లెట్ ఎడ్వర్డ్స్ ప్రొఫెషనల్ మహిళా క్రికెట్‌లో ప్రముఖ వ్యక్తి

Inspirational Women : షార్లెట్ ఎడ్వర్డ్స్ ప్రొఫెషనల్ మహిళా క్రికెట్‌లో ప్రముఖ వ్యక్తి. ఆమె ఇంగ్లాండ్ మహిళల జట్టు మాజీ కెప్టెన్.  ఆమె 10 సంవత్సరాల పాటు ఆ పదవిలో కొనసాగింది. షార్లెట్ 16 సంవత్సరాల వయస్సు నుండి ఒక విశిష్ట క్రికెట్ క్రీడాకారిణిగా రికార్డ్-బ్రేకింగ్ కెరీర్‌ను కలిగి ఉంది. ఇంగ్లండ్‌ను అనేక అద్భుతమైన విజయాలను అందించింది.  షార్లెట్ ఆదర్శవంతమైన నాయకత్వం, టీమ్ స్పిరిట్, ఒత్తిడిలో ప్రదర్శన చేయగల సామర్థ్యం ఇంగ్లాండ్ ప్రతిష్టాత్మకమైన ట్రోఫీలు- ఈవెంట్‌లను గెలుచుకోవడానికి సహాయపడింది. 

సదరన్ బ్రేవ్‌కి ప్రధాన కోచ్‌గా,  అడిలైడ్ స్ట్రైకర్స్‌కు అసిస్టెంట్ కోచ్‌గా ఇప్పటికీ క్రికెట్‌లో చాలా యాక్టివ్‌గా ఉన్నారు.  షార్లెట్ వివిధ స్వచ్ఛంద సంస్థలకు మద్దతు ఇవ్వడంతో పాటు మహిళల క్రికెట్‌లో జరుగుతున్న సంఘటనల గురించి తరచుగా అప్ డేట్స్ అందించడానికి తన సోషల్ మీడియాను ఉపయోగిస్తుంది.

Instagram –  @c_edwards23

Twitter – @C_Edwards23

మార్టిన్ రైట్ 

మార్టిన్ రైట్ లండన్ 7/7 బాంబు దాడిలో కాళ్లు కోల్పోయిన బ్రిటిష్ పారాలింపిక్ సిట్టింగ్ వాలీబాల్ క్రీడాకారిణి

Inspirational Women : మార్టిన్ రైట్ లండన్ 7/7 బాంబు దాడిలో కాళ్లు కోల్పోయిన బ్రిటిష్ పారాలింపిక్ సిట్టింగ్ వాలీబాల్ క్రీడాకారిణి. తన విషాదకరమైన అనుభవాన్ని చూసి అధైర్యపడకుండా, మార్టిన్ తన జీవితాన్ని సంపూర్ణంగా జీవించాలని నిశ్చయించుకుంది. తన హద్దులు దాటి, ఆమె పైలట్ లైసెన్స్, స్కైడైవింగ్ అలాగే  పారాలింపిక్ వాలీబాల్ జట్టుకు కెప్టెన్‌గా అవతరించడం ద్వారా అద్భుతమైన విజయాలు సాధించింది. కష్టాలను.. ఎదురొడ్డి ఆమె సాధించిన విజయాలు అపురూపమైనవి. సానుకూల మనస్తత్వం, అసాధారణమైన పట్టుదల ద్వారా ఇవన్నీ సాధ్యమయ్యాయి. సోషల్ మీడియాలో ఈ స్ఫూర్తిదాయకమైన మనస్తత్వాన్ని పంచుకుంటూ, మార్టిన్ మానసిక ఆరోగ్యం, మహిళల హక్కులు,  వైకల్యంపై అవగాహన  కల్పిస్తున్న న్యాయవాది.

Twitter – @martine_wright

లింక్డ్ఇన్ - మార్టిన్ రైట్ MBE

కేటీ పైపర్

కేటీ పైపర్ అవార్డులు గెలుచుకున్న రచయిత్రి.. ప్రసిద్ధ ప్రెజెంటర్.

Inspirational Women : కేటీ పైపర్ అవార్డులు గెలుచుకున్న రచయిత్రి.. ప్రసిద్ధ ప్రెజెంటర్.  ఆమెపై ఒకసారి భయంకరమైన యాసిడ్ దాడి జరిగింది. ఆ భయంకర అనుభవం నుంచి ధైర్యంగా బయటపడి.. ఇప్పుడు యాసిడ్ దాడిని అధిగమించి కాలిన ప్రాణాలతో బయటపడిన వారి కోసం ప్రముఖ వాయిస్‌గా మారింది. తన విషాదాన్ని పట్టుదలతో స్ఫూర్తిదాయకమైన కథగా మార్చిన కేటీ, బాడీ పాజిటివిటీ ఆలోచనను ప్రచారం చేస్తూ,  తన సోషల్ మీడియాలో అందం ఆదర్శాల భావనను వ్యాప్తి చేస్తున్న కార్యకర్తగా ఉన్నారు. తన ఫౌండేషన్ ద్వారా, యాసిడ్ దాడి బాధితుల కోసం సహాయం అందిస్తోంది. 

Instagram –  @katiepiper

Twitter – @KatiePiper_

లింక్డ్ఇన్ - ది కేటీ పైపర్ ఫౌండేషన్

జో సాల్టర్

జో సాల్టర్ రాయల్ ఎయిర్ ఫోర్స్ కోసం వేగంగా జెట్‌ను నడిపిన మొదటి మహిళగా రికార్డు సృష్టించింది

Inspirational Women : జో సాల్టర్ రాయల్ ఎయిర్ ఫోర్స్ కోసం వేగంగా జెట్‌ను నడిపిన మొదటి మహిళగా రికార్డు సృష్టించింది. ఈమె ఇంజనీరింగ్ అధికారి  కావాలని ప్రయత్నించింది. అయితే, మహిళలు పైలెట్లుగా రాణించలేరు అనే అపహాస్యపు హేళనలను విన్న ఆమె పైలెట్ గా మారడానికి కారణం అయింది. పురుషాధిక్యత ఎక్కువగా ఉండే ప్రపంచంలో తన మార్గంలో పోరాడి.. జో 617 స్క్వాడ్రన్‌లో ఫ్లైట్ లెఫ్టినెంట్ పదవి సాధించింది. జో ఆరోగ్యకరమైన కార్యాలయ సంస్కృతులను ప్రోత్సహించడం, మహిళలకు సాధికారత కల్పించడం,  ఔత్సాహిక పైలట్‌ల కోసం తన సోషల్ మీడియాలో సలహాలను పంచుకోవడం చేస్తుంటారు. 

Instagram – @josalter617

Twitter – @jo_salter

లింక్డ్ఇన్ - జో సాల్టర్ MBE