త్వరలోనే జేడియూ విచ్చిన్నం?...ఎన్డీఏ వైపు నితిన్ అడుగులు..!!

మహా రాజకీయ పరిణామాలు బిహార్‎లో గుబులు రేపుతున్నాయి. ముందు శివసేన, తర్వాత ఎన్సీపీలో చీలికలు, తర్వాత బిహార అధికార పార్టీ జేడియూనే టార్గెట్ అనే మాటలు...బీహార్ ముఖ్యమంత్రి నితీశ్ కుమార్ లోనూ దడ పుట్టిస్తున్నట్లే కనిపిస్తోంది. ఇప్పటికే పలుసార్లు ఎన్డీఏలోకి వెళ్లి...బయటకు వచ్చిన అనుభవం నితిష్ ఉంది.

అయితే ఇప్పుడు మరోసారి ఎన్డీఏ తలుపు తట్టేందుకు చూస్తూన్నారనే వాదనలు బలంగానే వినిపిస్తున్నాయి. అందుకే ఆయన తన పార్టీ ఎమ్మెల్యేలతో వరసగా భేటీలు నిర్వహించడం ఈవాదనలకు మరింత బలమిచ్చేలా చేస్తున్నాయి. ఈ తరుణంలో నితిష్ కుమార్ రాజ్యసభ డిప్యూటీ చైర్మన్ హరివంశ్ తో సమావేశం కావడంతో...నితీశ్ కుమార్ ఎన్డీఏ వైపే చేస్తున్నారని రాజకీయ పండితులు మరింత బలంగా చెబుతున్నారు.

అయితే మహాకూటమి, జేడీయూలో ఎలాంటి విభేదాలు లేవని నితీశ్‌కు సన్నిహితంగా ఉండే నేతలు కొట్టిపారేస్తున్నారు. అన్ని ఒడిదుడుకుల మధ్య నేడు పాట్నాలో ఆర్జేడీ 27వ వ్యవస్థాపక దినోత్సవం జరగనుంది. ఈ కార్యక్రమంలో లాలూ యాదవ్ పార్టీ నేతలకు పెద్ద మంచి మెసేజ్ ఇవ్వాలని చూస్తున్నారు. బీహార్‌లో మళ్లీ ప్రభుత్వం పడిపోతుందా అనే ఊహాగానాలు జోరుగా వినిపిస్తున్నాయి. జేడీయూలోని నేతలకు భవిష్యత్తు కనిపించడం లేదని, అలాంటప్పుడు త్వరలోనే ఆ పార్టీ చీలిపోతుందని బీజేపీ నేత సుశీల్ మోడీ అంటున్నారు.

హరివంశ్‌ను కలిసిన నితిశ్ కుమార్:

జనతాదళ్ యునైటెడ్‌కు చెందిన చాలా మంది ఎమ్మెల్యేలు కూడా తనతో సంప్రదింపులు జరుపుతున్నారని ఎల్‌జేపీ రామ్ విలాస్ నాయకుడు చిరాగ్ పాశ్వాన్ చెప్పారు. నితీష్ కుమార్ తన ఎమ్మెల్యేలతో నిరంతరం సమావేశమవుతున్నారు. రాజ్యసభ డిప్యూటీ చైర్మన్ హరివంశ్ ను కూడా నితీశ్ కలిశారు, ఆయనతో వర్ చాలా సేపు మాట్లాడారు. దాదాపు గంటన్నర పాటు ఇరువురు నేతల మధ్య జరిగిన భేటీ రాజకీయంగా తీవ్ర కలకలం రేపింది. జేడీయూ ఎంపీ హరివంశ్‌ ప్రధాని నరేంద్ర మోడీకి, నితీశ్‌ కుమార్‌కు అత్యంత సన్నిహితుడు. మహారాష్ట్ర రాజకీయలను బీహార్‌లో కూడా అమలు చేసే విధంగా బీజేపీ ప్రయత్నాలు చేస్తోందని జేడియూ నేతలు బలంగా నమ్ముతున్నారు. అదే సమయంలో మహాకూటమి ఐక్యత చూసి బీజేపీ భయపడుతోందని ఆర్జేడీ అంటోంది.

అవినీతి కేసులో తేజస్విపై చార్జిషీట్:

నితీష్ కుమార్, హరివంశ్‌ల సమావేశం ఇప్పుడు హాట్ టాపిగ్గా మారింది. ఎందుకంటే బీహార్ డిప్యూటీ సిఎం తేజస్వి యాదవ్ 'ఉద్యోగం కోసం భూమి' కేసులో నిందితుడిగా ఉన్నారు. ఈ కేసులో జూలై 12న రోస్ అవెన్యూ కోర్టులో విచారణ జరగనుంది. బీహార్ డిప్యూటీ సీఎం తేజస్వీ యాదవ్‌ను చార్జిషీట్‌లో నిందితుడిగా చేర్చారు. ఈ కేసులో లాలూ యాదవ్, రబ్రీ దేవిలపై సీబీఐ ఇప్పటికే చార్జిషీట్ దాఖలు చేయగా.. కేసులు నమోదైన వారితో, రెండుసార్లు నిర్దోషులుగా విడుదలైన వారితో బీజేపీ ప్రభుత్వాన్ని ఏర్పాటు చేస్తోందని జేడీయూ ఆరోపిస్తోంది.

ఆర్జేడీ 27వ వ్యవస్థాపక దినోత్సవం:

మహాకూటమి ప్రభుత్వానికి ఎలాంటి ముప్పు లేదని లాలూ యాదవ్ చాలాసార్లు చెప్పారు. రాజకీయ ఊహాగానాల మధ్య ఆర్జేడీ నేడు తన 27వ వ్యవస్థాపక దినోత్సవాన్ని జరుపుకుంటోంది. ఈ సందర్భంగా పాట్నాలోని పార్టీ ప్రధాన కార్యాలయంలో భారీ కార్యక్రమం నిర్వహించి పార్టీ అధ్యక్షుడు లాలూయాదవ్ కార్యకర్తలనుద్దేశించి ప్రసంగించనున్నారు. ఈ కార్యక్రమానికి ఎమ్మెల్యేలు, మంత్రులు, ఎంపీలు అందరూ హాజరు కావాలని పిలుపునిచ్చారు. ఈ కార్యక్రమంలో లాలూ ఆర్జేడీ నేతలకు భవిష్యత్ రాజకీయాలపై ప్రసంగించే అవకాశం ఉంది. ఇప్పుడు అందరి చూపు ఢిల్లీలోని రూస్ అవెన్యూ కోర్టు నిర్ణయంపైనే ఉంది. ఎందుకంటే ఆ తర్వాతే నితీష్ కుమార్ తదుపరి అడుగు ఏమిటనేది తేలిపోతుంది.