విక్రమార్కుడులో యువ క్రికెటర్, నిజంగా ఆ సీన్‌లో ఉన్నది మనోడేనా?

ఇంకేముంది అందివచ్చిన అవకాశాన్ని మనోడు రెండు చేతులతో ఒడిసి పట్టుకున్నాడు. డెబ్యూ మ్యాచ్‌లోనే సెంచరీతో అదరగొట్టి ఔరా అనిపించాడు. అతనే టీమిండియా యువకెరటం యశస్వి జైశ్వాల్. మాస్ మహారాజా రవితేజ నటించిన బ్లాక్ బస్టర్‌ మూవీ విక్రమార్కుడు. ఈ మూవీని దర్శక ధీరుడు రాజమౌళి తెరకెక్కించగా ఈ చిత్రం అప్పట్లో బాక్సాఫీస్‌ను షేక్ చేసిన సంగతి మనందరికి తెలిసిందే. మధ్యప్రదేశ్‌లోని చంబల్‌ ప్రాంతంలో జరిగిన కథ ఆధారంగా ఈ చిత్రాన్ని తెరకెక్కించారు. అయితే ఈ చిత్రంలో ఓ సీన్‌లో అచ్చం యశస్వి జైస్వాల్‌ లాగే ఓ చైల్డ్ ఆర్టిస్ట్ కనిపించాడు.

సోషల్ మీడియాలో ఫోటోలు వైరల్

అయితే విక్రమార్కుడు సినిమాలో అది కూడా క్రికెట్ ఆడుతున్న సీన్ కావడంతో అందరూ చిన్నప్పుడు ఆ సీన్‌లో ఉన్నది యశస్వి జైస్వాల్ అంటూ సోషల్ మీడియాలో ఫోటోలు తెగ వైరల్ చేస్తున్నారు. విక్రమార్కుడు చిత్రంలోని చైల్డ్ ఆర్టిస్ట్‌కు, అతనికి పోలికలు ఉండటంతో నెటిజన్స్ మీమ్స్‌ చేస్తున్నారు. 'ఏ సత్తి బాల్ లోపలికి వచ్చిందా?' అనే డైలాగ్ చెప్పిన పిల్లాడు.. ఇప్పుడు టీమిండియా ఓపెనర్‌కు దగ్గర పోలికలు ఉండడంతోనే అలా పోలుస్తున్నారు.

ఇంటర్నెట్‌ని షేక్‌ చేస్తున్న వీడియోలు

అంతేకానీ ఇదంతా కట్టు కథ అంటూ కొంతమంది కొట్టిపారేస్తున్నారు. అంతేకాదు ఈ కుర్రాడు ఉత్తరప్రదేశ్‌కు చెందిన యశస్వి జైస్వాల్ టాలీవుడ్‌లోనే ఏ సినిమాలోనూ నటించలేదంటూ మరికొందరు అంటున్నారు. ఏదేమైనా ప్రస్తుతం యశస్వి జైస్వాల్‌ టీమిండియాలో చోటు దక్కించుకోవడంతో ఈ అంశం మరోసారి తెరపైకి వచ్చిందనే చెప్పాలి. జైస్వాల్ తన కెరీర్ మీద దృష్టి పెట్టి తన గోల్స్‌ని రీచ్‌ కావాలంటూ తన ఫ్యాన్స్‌ కోరుకుంటున్నారు. అదలా ఉంటే దీనికి సంబంధించిన వీడియోలు మాత్రం ఇంటర్నెట్‌ని షేక్‌ చేస్తున్నాయి.