New Criminal Laws: 1 నుంచి కొత్త నేర చట్టాలు అమలు

New Criminal Laws: పార్లమెంట్ సమావేశాల్లో రాష్ట్రపతి ద్రౌపది ముర్ము కీలక ప్రకటన చేశారు. కొత్త నేర చట్టాలు జూలై 1వ తేదీ నుంచి అమల్లోకి వస్తాయని తెలిపారు. నేటికీ బ్రిటీష్‌ కాలం నాటి శిక్షా స్మృతులే అమల్లో ఉన్నాయని గుర్తు చేశారు. వాటిని సంస్కరించడం గొప్ప విషయమని చెప్పారు.. ప్రభుత్వంపై హర్షం వ్యక్తం చేశారు. కొత్త న్యాయ చట్టాలతో ఒకరిని శిక్షించడం కంటే ఒకరికి న్యాయం చేయడానికే ప్రాధాన్యం ఉంటుందని ఆమె అన్నారు. కొత్త చట్టాలు న్యాయ ప్రక్రియను వేగవంతం చేస్తాయని తెలిపారు. సీఏఏ అనేది కూడా ప్రభుత్వం తీసుకున్న అతిపెద్ద నిర్ణయమని తెలిపారు.

మూడు చట్టాల ముచ్చట…

బ్రిటీష్ కాలం నాటి న్యాయ చట్టాలకు కాలం చెల్లింది. కొత్త చట్టాలు అమల్లోకి వచ్చేశాయి. దీనికి సంబంధించి 3 కొత్త క్రిమినల్ చట్టాల బిల్లులకు లోక్‌సభ, రాజ్యసభ ఆమోదం తెలపగా.. తాజాగా వీటికి రాష్ట్రపతి ముర్ము ఆమోదముద్ర వేశారు. ఇండియన్ పీనల్ కోడ్ – ఐపీసీ, క్రిమినల్ ప్రొసీజరల్ కోడ్ – సీఆర్‌పీసీ, సాక్ష్యాల చట్టం – ఎవిడెన్స్‌ యాక్ట్‌ స్థానంలో కేంద్రం కొత్త చట్టాలను తీసుకొచ్చింది. భారతీయ న్యాయ సంహిత, భారతీయ నాగరిక్‌ సురక్షా సంహిత, భారతీయ సాక్ష్య చట్టం పేరుతో కేంద్రం ఈ చట్టాలను రూపొందించింది.

గతేడాది డిసెంబర్ 21న రాజ్యసభ ఈ బిల్లులకు ఆమోదం తెలపగా.. డిసెంబర్ 20న వాటిని లోక్‌సభ ఆమోదించింది. కొత్త సవరించిన చట్టాల ప్రకారం ‘నేరం జరిగిన 30 రోజులలోపు వారి నేరాన్ని అంగీకరించినట్లయితే.. అప్పుడు శిక్ష తక్కువగా ఉంటుంది. అలాగే కొత్త చట్టాల ప్రకారం, ఎఫ్‌ఐఆర్ దాఖలు చేయడానికి గడువు నిర్ణయించబడింది. విచారణ నివేదికను జిల్లా మేజిస్ట్రేట్‌కు సమర్పించిన తర్వాత, దానిని 24 గంటల్లోగా కోర్టు ముందు సమర్పించాలి. మెడికల్ రిపోర్టును నేరుగా పోలీసు స్టేషన్/కోర్టుకు ఏడు రోజుల్లో పంపాలనే నిబంధన ఉంది. చార్జిషీట్ ఇకపై 180 రోజుల తర్వాత పెండింగ్‌లో ఉంచబడదు. అలాగే ఇప్పుడు నిందితులకు నిర్దోషిగా ప్రకటించడానికి ఏడు రోజుల సమయం ఉంటుందని కేంద్ర హోం మంత్రి చెప్పారు. ఒక న్యాయమూర్తి ఆ ఏడు రోజుల్లో విచారణ జరపాలి. గరిష్టంగా 120 రోజులలో కేసు విచారణకు వస్తుంది. ముందుగా (ప్లీజ్) బేరసారాలకు ఇందులో కాలపరిమితి లేదని స్పష్టం చేశారు.

ఇక ట్రయల్స్ సమయంలో పత్రాలను సమర్పించడానికి ఎలాంటి నిబంధన లేదు. మేము 30 రోజులలోపు అన్ని పత్రాలను సమర్పించడాన్ని తప్పనిసరి చేశాం. ఇందులో ఎలాంటి జాప్యం జరగదని షా తెలిపారు. అంతేకాకుండా నిందితుడు 90 రోజుల్లోగా కోర్టుకు హాజరుకాకపోతే, అతడు/ఆమె గైర్హాజరీలో విచారణ కొనసాగుతుందని షా చెప్పారు. అలాంటప్పుడు ప్రభుత్వం నియమించిన న్యాయవాదులు వ్యక్తికి బెయిల్ పొందుతారు. లేదా అతనికి/ఆమె మరణశిక్ష విధించబడుతుందన్నారు. నిందితులను ఇతర దేశాల నుంచి దేశానికి తీసుకురావడానికి ఈ ప్రక్రియ ఉపయోగపడుతుందన్నారు.