Budget 2026: ఈరోజే బడ్జెట్.. గ్యాస్, సిగరేట్స్ నుంచి ఫాస్టాగ్ వరకు.. రేపటి నుంచి ఈ ధరల్లో మార్పు?

Budget 2026: దేశవ్యాప్తంగా అందరి దృష్టి ఇప్పుడు ఈరోజు ప్రవేశపెట్టనున్న కేంద్ర బడ్జెట్ 2026పైనే ఉంది. ఆర్థిక మంత్రి నిర్మలా సీతారామన్ ఈసారి ప్రవేశపెట్టబోయే బడ్జెట్‌లో కొన్ని వస్తువుల ధరలు పెరగవచ్చని, మరికొన్నింటిపై పన్నులు తగ్గే అవకాశం ఉందని నిపుణులు అంచనా వేస్తున్నారు. ముఖ్యంగా సిగరెట్ల నుండి ఫాస్టాగ్ ఛార్జీల వరకు ఐదు కీలక అంశాలలో మార్పులు వచ్చే అవకాశం ఉంది. 

1. సిగరెట్లు, పొగాకు ఉత్పత్తులు

ప్రతి ఏటా బడ్జెట్‌లో సిగరెట్లపై ఎక్సైజ్ సుంకాన్ని పెంచడం ప్రభుత్వం అనుసరిస్తున్న సంప్రదాయం. ఈసారి కూడా పొగాకు ఉత్పత్తులపై నేషనల్ కాలిమిటీ కాంటింజెంట్ డ్యూటీ పెంచే అవకాశం ఉంది. దీనివల్ల సిగరెట్ల ధరలు 5% నుండి 10% వరకు పెరిగే అవకాశం ఉంది. పొగాకు వాడకాన్ని తగ్గించడమే లక్ష్యంగా ప్రభుత్వం ఈ నిర్ణయం తీసుకోనుంది.

2. ఫాస్టాగ్ ఛార్జీలు

రవాణా రంగాన్ని డిజిటలైజ్ చేయడంలో ఫాస్టాగ్ కీలక పాత్ర పోషిస్తోంది. అయితే, రహదారి నిర్వహణ ఖర్చులు పెరగడంతో నేషనల్ హైవేలపై టోల్ ఛార్జీలను స్వల్పంగా సవరించే అవకాశం ఉంది. బడ్జెట్‌లో మౌలిక సదుపాయాల నిధి కోసం ఫాస్టాగ్ ద్వారా వసూలు చేసే రుసుమును పెంచే ఆలోచనలో ప్రభుత్వం ఉన్నట్లు సమాచారం.

3.దిగుమతి చేసుకునే ఎలక్ట్రానిక్ వస్తువులు

'మేక్ ఇన్ ఇండియా'ను ప్రోత్సహించడంలో భాగంగా విదేశాల నుండి దిగుమతి అయ్యే మొబైల్ విడిభాగాలపై కస్టమ్స్ డ్యూటీని తగ్గించే అవకాశం ఉంది. అయితే, దిగుమతి చేసుకునే ఖరీదైన టెలివిజన్లు, కెమెరాలు, గృహోపకరణాలపై పన్నులు పెరగవచ్చు. దీనివల్ల బ్రాండెడ్ ఎలక్ట్రానిక్ వస్తువుల ధరలు ఫిబ్రవరి నుండి మారవచ్చు.

4. బంగారం, వెండి

భారతీయులకు అత్యంత ఇష్టమైన బంగారంపై దిగుమతి సుంకాన్ని తగ్గించాలని జ్యువెలరీ అసోసియేషన్లు కోరుతున్నాయి. ఒకవేళ ప్రభుత్వం ఈ సుంకాన్ని తగ్గిస్తే, ఫిబ్రవరి నుండి బంగారం ధరలు తగ్గే అవకాశం ఉంది. దీనివల్ల సామాన్యులకు, పెట్టుబడిదారులకు ఊరట లభిస్తుంది.

5. ఎలక్ట్రిక్ వాహనాలు బ్యాటరీలు

పర్యావరణ హిత రవాణాను ప్రోత్సహించడానికి ఎలక్ట్రిక్ వాహనాలపై రాయితీలను మరికొంత కాలం పొడిగించే అవకాశం ఉంది. అలాగే, EV బ్యాటరీల తయారీకి వాడే లిథియం-అయాన్ సెల్స్‌పై పన్ను తగ్గిస్తే, ఎలక్ట్రిక్ స్కూటర్లు కార్ల ధరలు మరింత అందుబాటులోకి వస్తాయి.

ఆర్థిక విశ్లేషకుల అంచనా

బడ్జెట్ 2026 ప్రధానంగా మధ్యతరగతి ప్రజలకు ఆదాయపు పన్ను ఊరట కల్పించడం, గ్రామీణ ఆర్థిక వ్యవస్థను బలోపేతం చేయడంపై దృష్టి పెట్టవచ్చని ఆర్థిక నిపుణులు భావిస్తున్నారు. పైన పేర్కొన్న వస్తువుల ధరల్లో మార్పులు ప్రభుత్వం తీసుకునే అంతిమ నిర్ణయంపై ఆధారపడి ఉంటాయి. ఫిబ్రవరి 1(రేపు) బడ్జెట్ ప్రసంగం ముగిసిన వెంటనే ఏ వస్తువు ధర ఎంత పెరిగింది లేదా తగ్గింది అనే పూర్తి వివరాలు వస్తాయి.