Mynampally: సిద్ధిపేటలోనే నిన్ను ఓడిస్తా.. హరీష్‌రావుకు మైనంపల్లి వార్నింగ్ తెలంగాణ మంత్రి హరీష్‌రావుపై బీఆర్‌ఎస్ ఎమ్మెల్యే మైనంపల్లి హనుమంత్ రావు సంచలన వ్యాఖ్యలు చేశారు. మెదక్‌లో హరీష్ రావు పెత్తనం ఏంది? అని ప్రశ్నించారు. మెదక్‌లో హరీష్‌రావు వేలు పెడితే తాను సిద్దిపేటలో పెడతానని హెచ్చరించారు. By BalaMurali Krishna 21 Aug 2023 in రాజకీయాలు హైదరాబాద్ New Update షేర్ చేయండి ఓ వైపు బీఆర్‌ఎస్ అభ్యర్థుల తొలి జాబితాకు సీఎం కేసీఆర్ సిద్ధం అయితే.. మరోవైపు నేతల మధ్య విభేదాలు తారాస్థాయికి చేరాయి. ఈ క్రమంలోనే మంత్రి హరీష్ రావుపై బీఆర్‌ఎస్ ఎమ్మెల్యే మైనంపల్లి హనుమంత్ రావు సంచలన వ్యాఖ్యలు చేశారు. తిరుమలలో శ్రీవారి దర్శనం అనంతం మైనంపల్లి సన్నిహితులతో మాట్లాడుతూ హరీష్ రావును గద్దె దించే వరకు నిద్రపోనని తెలిపారు. మల్కాజిగిరిలో తాను, మెదక్‌లో తన కుమారుడు ఇద్దరం పోటీ చేస్తామని స్పష్టంచేశారు. మెదక్‌లో హరీష్ పెత్తనం ఏంది? అని ప్రశ్నించారు. మెదక్ అభివృద్ధి కాకపోవడానికి హరీష్‌రావే కారణమన్నారు. మెదక్‌లో హరీష్ వేలు పెడితే తాను సిద్దిపేటలో పెడతానని తెలిపారు. రబ్బరు చెప్పులు, ట్రంక్ పెట్టె పట్టుకుని వెలమ హాస్టల్ కి వచ్చిన హరీష్ రావు.. ఈరోజు ఏ స్థితిలో ఉన్నారో గమనించాలని.. అక్రమంగా రూ.లక్ష కోట్లు సంపాదించాడని మైనంపల్లి ఆరోపించారు. రాజకీయంగా ఎంతో మందిని అణిచివేశారన్నారు. తాను బీఆర్ఎస్‌లోనే ఉన్నానని.. తనకు పార్టీ ఇప్పటికే టికెట్ ప్రకటించిందన్నారు. అయితే తన కుటుంబంలో ఇద్దరికీ టికెట్ ఇస్తేనే పోటీ చేస్తానని మైనంపల్లి స్పష్టం చేశారు. లేదంటే ఇద్దరం స్వతంత్ర అభ్యర్థులుగా పోటీ చేస్తామని వెల్లడించారు. ప్రస్తుతం ఈ వీడియో సోషల్ మీడియాలో వైరల్ అవుతోంది. మైనంపల్లి చేసిన కామెంట్స్ ఎన్నికల ముందు తెలంగాణ రాజకీయాల్లో కలకలం రేపుతున్నాయి. #NULL మా వార్తాలేఖకు సభ్యత్వాన్ని పొందండి! ప్రత్యేకమైన ఆఫర్లు మరియు తాజా వార్తలను పొందిన మొదటి వ్యక్తి అవ్వండి ఇప్పుడే సభ్యత్వం పొందండి సంబంధిత కథనాలు Advertisment Advertisment తాజా కథనాలు తదుపరి కథనాన్ని చదవండి