పాయల్ గట్స్ కి హాట్సాఫ్..డైరెక్టర్ ప్రశంసలు.!

Payal Rajput: విజయవాడలో మంగళవారం మూవీ టీం సందడి చేసింది. సినిమా సక్సెస్ కావడంతో సంబరాలు చేసుకుంటున్నారు.  కార్యక్రమంలో పాల్గొన్న హీరోయిన్ పాయల్ రాజ్ పుత్ మాట్లాడుతూ..మంగళవారం చిత్రంలో నటించడం చాలా సంతోషంగా ఉందని తెలిపింది. ఈ మూవీలో ఎంతో ఛాలెంజ్ గా నటించినట్లు వెల్లడించింది.

డైరెక్టర్ ఈ కథ గురించి చెప్పినప్పుడు శైలజ పాత్రలో నటించడానికి ఆలోచించానని..ఈ పాత్ర చేయడానికి చాలా గట్స్ కావాలని అంది. అయితే, ఈ చిత్రంలో నా క్యారెక్టర్ చేయడానికి మొదట నా తల్లి అనుమతించడంతో చాలా సంతోషపడ్డానని చెప్పుకొచ్చింది.

గ్రామీణ వాతావరణం లో సాగే క్రైమ్ థ్రిల్లర్ మూవీ అని వెల్లడించింది. మహిళా ప్రేక్షకుల నుండి విశేష స్పందన రావడం చాలా సంతోషంగా ఉందని..ఈ చిత్రాన్ని బోల్డ్ మూవీ అనుకుంటున్నారు. ఈ సినిమా చూస్తేనే సినిమా యొక్క విలువ తెలుస్తుందని చెప్పింది. ఈ చిత్రంలో అసభ్యకర సన్నివేశాలు ఏమీ లేవు.. కుటుంబ సమేతంగా చూడదగిన చిత్రమని వ్యాఖ్యనించింది. మంగళవారం 2 కూడా త్వరలో సెట్స్ పైకి రానుందని తెలిపింది.

Also Read: పవన్ కళ్యాణ్ అహంకారి..జనసేన సందీప్ సంచలన వ్యాఖ్యలు.!

డైరెక్టర్ అజయ్ భూపతి మాట్లాడుతూ..ఆర్ఎక్స్ 100 తర్వాత అంతటి ఘనవిజయం ఈ చిత్రానికి లభించిందని హర్షం వ్యక్తం చేశారు. ఇందులో ప్రతి సన్నివేశం ఒక ట్విస్ట్ గానే ఉంటుందని..చిత్రం చివరి 40 నిమిషాలు ఉత్కంఠం కలిగిస్తుందని కామెంట్స్ చేశారు. ప్రతి ఒక్కరికి ఒళ్ళు గగులు పొడిపించే సన్నివేశాలు ఉన్నాయని అన్నారు.

పాయల్ రాజ్ పుత్ ఈ చిత్రాన్నికి పిల్లర్ల నిలిచారని.. ఈ చిత్రాల్లో నటించినందుకు ఆవిడ గట్స్ కి హాట్సాఫ్ అని కొనియాడారు.ఈ చిత్రంలో నటించిన నటులందరూ ఈ చిత్రానికి ప్రాణం పోశారని..లక్ష్మణ్ క్యారెక్టర్ చాలా విభిన్నంగా ఉంటుందని తెలిపారు.తెలుగు రాష్ట్రాల ప్రజలు ఈ చిత్రాన్ని ఆదరించడం చాలా సంతోషంగా ఉందని అన్నారు. ప్రేక్షకులకు కృతజ్ఞతలు తెలియజేసేందుకు విజయోత్సవ యాత్రను చేపట్టామని వ్యాఖ్యనించారు. ప్రతి థియేటర్లో ప్రేక్షకుల నుండి వస్తున్న స్పందనను మరువలేమన్నారు. మంగళవారం 2 చిత్రాన్ని కూడా త్వరలోనే ప్రారంభిస్తామని వెల్లడించారు.