TS Politics: కోమటిరెడ్డి సీఎం.. ఉత్తమ్ సంచలన కామెంట్స్

తెలంగాణ కాంగ్రెస్‌లో మరోసారి సీఎం పదవి చుట్టూ చర్చ మొదలైంది. సీఎం అయ్యే అర్హత తనతో పాటు మంత్రి కోమటిరెడ్డి వెంకట్ రెడ్డికి ఉందంటూ నిన్న రేవంత్ రెడ్డి చేసిన కామెంట్స్ కాంగ్రెస్ పార్టీతో పాటు పొలిటికల్ సర్కిల్స్ లో చర్చనీయాంశమయ్యాయి. తాజాగా మంత్రి ఉత్తమ్ కుమార్ రెడ్డి సైతం ఇలాంటి కామెంట్సే చేశారు. కోమటిరెడ్డి వెంకట్ రెడ్డికి సీఎం అయ్యే అర్హత ఉందంటూ రేవంత్ రెడ్డి చేసిన వ్యాఖ్యలతో తాను ఏకీభవిస్తున్నానన్నారు. వెంకట్ రెడ్డికి బంగారు భవిష్యత్ ఉందన్నారు. ఈ రోజు నల్లగొండ కాంగ్రెస్ ఎంపీ అభ్యర్థి రఘువీర్ రెడ్డి నామినేషన్ కార్యక్రమంలో పాల్గొన్న ఉత్తమ్ కుమార్ రెడ్డి ఈ వ్యాఖ్యలు చేశారు.