🔴 Lok Sabha Election 2024 Phase 3 Live Updates: కొనసాగుతోన్న 3వ దశ లోక్ సభ ఎన్నికల పోలింగ్

భోపాల్‌లో ఓటు వేయడానికి ముందు, మాజీ ముఖ్యమంత్రి దిగ్విజయ్ సింగ్ జవహర్ చౌక్ వద్ద ఉన్న హనుమాన్ ఆలయంలో భార్య అమృతా సింగ్‌తో కలిసి పూజలు చేశారు. 

ఉత్తర ప్రదేశ్ రాష్ట్రం హత్రాస్‌లోని గర్హి ధరూ గ్రామ ప్రజలు ఓటింగ్‌ను బహిష్కరించారు. తమ గ్రామానికి ఎంపీ-ఎమ్మెల్యే రోడ్డు వేయలేదని అంటున్నారు. రోడ్డు సమస్య తీరకపోతే ఏ పార్టీకి ఓటేయబోమన్నారు

ఫిరోజాబాద్‌లో నకిలీ ఓట్లు వేయడానికి వచ్చిన 42 మందిని పోలీసులు పట్టుకున్నారు. రామ్‌గఢ్ పోలీస్ స్టేషన్ పరిధిలో 20 మంది, రసూల్‌పూర్‌లో 12 మంది, దక్షిణాది నుంచి 10 మందిని అరెస్టు చేశారు.

ఉత్తరప్రదేశ్ లోని బరేలీలో 62 ఏళ్ల అనూప్ కుమార్  ఓటు వేయడానికి వీల్ చైర్‌లో వచ్చారు. అతడి రెండు కాళ్లు తెగిపోయాయి. 

కర్ణాటకలో కాంగ్రెస్ అధ్యక్షుడు మల్లికార్జున్ ఖర్గే, మహారాష్ట్రలోని బారామతిలో ఎన్సీపీ అధినేత శరద్ పవార్, సుప్రియా సూలే తమ ఓటు హక్కు వినియోగించుకున్నారు. 

ఎస్పీ చీఫ్ అఖిలేష్ యాదవ్ తన భార్య డింపుల్ యాదవ్‌తో కలిసి మెయిన్‌పురిలోని పోలింగ్ బూత్‌ లో  ఓటు వేశారు.

రాయ్‌పూర్‌లోని అటవీ శాఖ కార్యాలయంలోని పోలింగ్ బూత్‌ను జంగిల్ థీమ్‌లో అలంకరించారు. ఓటర్లకు నీడ కోసం చలువ పందిళ్లు, కుర్చీలు ఏర్పాటు చేశారు.  తద్వారా వారు తమ టర్న్ కోసం నిలబడి కాకుండా కూచుని వేచి ఉన్నారు.

రాయ్‌గఢ్ లోక్‌సభలోని జష్‌పూర్‌లోని అరా పోలింగ్ కేంద్రంపై తేనెటీగలు దాడి చేశాయి. ఈ క్రమంలో ఓటు వేసేందుకు వచ్చిన 8 మంది గ్రామస్తులకు గాయాలయ్యాయి. వారందరినీ జిల్లా ఆసుపత్రిలో చేర్పించారు.

రాయ్‌గఢ్‌లో మూడు తరాలు కలిసి ఓటు వేశారు. సనత్ నాయక్ తాత గుల్మాని నాయక్, తండ్రి గెస్రం నాయక్‌తో కలిసి గెజముడ పోలింగ్ కేంద్రంలో తమ ఓటు హక్కును వినియోగించుకున్నారు.

మధ్యప్రదేశ్ రాష్ట్రంలో భింద్‌లో ఓటు వేయడానికి వెళ్తున్న ఓ యువకుడిని కొందరు వ్యక్తులు చుట్టుముట్టి కాల్చిచంపారు. బుల్లెట్ అతని కడుపులోకి దూసుకెళ్లింది. దీంతో ఎక్కడికక్కడే ఆ యువకుడు మరణించాడు

బీహార్‌లో ఓటింగ్‌లో ఇద్దరు వ్యక్తులు మరణించినట్లు వార్తలు వచ్చాయి. అదే సమయంలో పశ్చిమ బెంగాల్‌లో ముర్షిదాబాద్‌ బీజేపీ అభ్యర్థి, టీఎంసీ మద్దతుదారు మధ్య ఘర్షణ జరిగింది.

బీహార్‌లోని సుపాల్‌లోని పోలింగ్ బూత్‌లో శైలేంద్రకుమార్‌ అనే ప్రిసైడింగ్ అధికారి గుండెపోటుతో మరణించారు.

ఉదయం 9 గంటల వరకు దేశంలో 10.57 శాతం ఓటింగ్ నమోదైంది. పశ్చిమ బెంగాల్‌లో 14.60 శాతం ఓటింగ్ జరిగింది. అస్సాం 10.12%, బీహార్ 10.03%, ఛత్తీస్‌గఢ్ 13.24%, గోవా 12.35%, గుజరాత్ 9.87%, కర్ణాటక 9.45%, మధ్యప్రదేశ్ 14.22%, మహారాష్ట్ర 6.64%, ఉత్తరప్రదేశ్ 11.63%, పశ్చిమ బెంగాల్ 14.60% పోలింగ్ జరిగింది. 

బీసీసీఐ అధికార ప్రతినిధి అజయ్ దేవ్నానీ తన కుటుంబంతో పాటు ఓటు వేశారు. ఆయన కొడుకు దక్ష్ దేవ్నానీ తొలిసారి ఓటు హక్కు వినియోగించుకున్నారు.

https://rtvlive.com/more-than-two-thousand-voters-who-have-crossed-the-age-of-100-years-old-to-vote-in-chattisgarh/