Health Tips: ఆ వ్యాధులు ఉన్నవారు పుచ్చకాయ తింటే డేంజర్.. ఈ విషయాలు మీకు తెలుసా?

వేసవిలో పుచ్చకాయ ఒక రుచికరమైన, రిఫ్రెషింగ్ పండు. ఇది శరీరాన్ని చల్లబరుస్తుంది. పుచ్చకాయ అందరికీ ప్రయోజనకరంగా ఉండదు. కొన్ని ఆనారోగ్య సమస్యలలో పుచ్చకాయ తినడం హానికరం. ఆ వ్యక్తులు ఎవరో ఈ ఆర్టికల్‌లో కొన్ని విషయాలు తెలుసుకుందాం.

వేసవి వచ్చిందంటే చాలు మార్కెట్‌లో పుచ్చకాయలు ఎక్కువగా కనిపిస్తుంటాయి. వేసవి తాపాన్ని తగ్గించుకోవడానికి ప్రతి ఒక్కరూ పుచ్చకాలను తింటుంటారు. రుచితో పాటు శరీరంలో నీటి శాతాన్ని పెంచడంలో పుచ్చకాయలు సహాయపడతాయి.

పుచ్చకాయ శరీరాన్ని చల్లబరచడంతో పాటు డీహైడ్రేషన్‌ను నివారిస్తుంది. కానీ పుచ్చకాయ కూడా అందరికీ ప్రయోజనకరంగా ఉండదు. కొన్ని ఆరోగ్య సమస్యలు ఉన్నవారు పుచ్చకాయ తినడం హానికరం.

పుచ్చకాయలో ఎక్కువగా సహజ చక్కెర ఉంటుంది. దీని గ్లైసెమిక్ ఇండెక్స్ కూడా ఎక్కువగా ఉంటుంది. డయాబెటిక్ రోగులకు ఇది రక్తంలో చక్కెర స్థాయిని పెంచుతుంది. అందుకే షుగర్‌ ఉన్నవారు పుచ్చకాయలు తక్కువగా తినాలి.

పుచ్చకాయ తింటే జలుబు చేస్తుంది. జీర్ణశక్తి బలహీనంగా ఉంటే లేదా తరచుగా గ్యాస్, అజీర్ణం లేదా ఉబ్బరం సమస్యలు ఉంటే పుచ్చకాయ తినకూడదు.

పుచ్చకాయ చల్లదనాన్ని కలిగిస్తుంది. ఇది శ్లేష్మం స్రావాన్ని పెంచుతుంది. ఉబ్బసం లేదా శ్వాసకోశ ఇన్ఫెక్షన్లు ఉన్నవారికి పుచ్చకాయ తినడం హానికరం. అందుకే దీనికి దూరంగా ఉండాలి.

జలుబు, దగ్గు, గొంతునొప్పి ఉంటే పుచ్చకాయ తినకూడదు. రాత్రి సమయంలో, ఉదయం ఖాళీ కడుపుతో పుచ్చకాయ తినకపోవడమే బెటర్‌ అని నిపుణులు అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.