Pumpkin Juice: గుమ్మడికాయ రసంతో గుమ్మడికాయంత ప్రయోజనాలు..ఏంటో తెలుసా?

గుమ్మడికాయ అత్యధిక పోషక విలువలు కలిగి ఉంటుంది. దీని రసం ఆరోగ్యానికి చాలా మంచిదని పోషకాహార నిపుణులు అంటున్నారు. గుమ్మడికాయ రసంలో విటమిన్లు ఎ, సి పుష్కలంగా ఉంటాయి.

ఇది శరీర రోగనిరోధక శక్తిని బలోపేతం చేయడమే కాకుండా తరచుగా వచ్చే జలుబు, దగ్గు సమస్యల నుండి మనల్ని రక్షిస్తుంది.

గుమ్మడికాయ రసంలో కేలరీలు తక్కువగా, ఫైబర్ అధికంగా ఉంటుంది. ఇది కడుపు నిండిన అనుభూతిని కలిగించి జీర్ణవ్యవస్థను మెరుగుపరిచి కొవ్వును తగ్గిస్తుంది.

చర్మ ఆరోగ్యానికి, జీర్ణ సమస్యలు ఉన్నవారికి మంచిది. కడుపు మంట, అజీర్ణం వంటి సమస్యలను తగ్గించడంలో గుమ్మడికాయ రసం సహాయపడుతుంది. ఇది చర్మం అందంగా ఉండటానికి సహాయపడుతుంది.

ఇది ముడతలు, మచ్చలను నివారిస్తుంది. చర్మాన్ని హైడ్రేటెడ్‌గా ఉంచడంలో సహాయపడుతుంది. గుమ్మడికాయలో పొటాషియం అధికంగా ఉంటుంది. రక్తపోటును అదుపులో ఉంచుతుంది. గుండె ఆరోగ్యాన్ని మెరుగుపరుస్తుంది.

గుమ్మడికాయ రసానికి కాలేయం, మూత్రపిండాలను శుభ్రపరిచే లక్షణాలు ఉన్నాయి. గుమ్మడికాయ రసం తయారు చేయడానికి ముందుగా గుమ్మడికాయను చిన్న ముక్కలుగా కట్ చేసి బ్లెండర్‌లో వేయండి. అర గ్లాసు నీరు వేసి కలపండి. తేనె, నిమ్మరసం కలిపి తాగవచ్చు.

గుమ్మడికాయ రసాన్ని ఉదయం పరగడుపున తాగితే శరీరం శుభ్ర పడుతుంది. బరువు తగ్గాలనుకునే వారు దీన్ని ఖచ్చితంగా ప్రయత్నించవచ్చు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.