Heart Diseases: వేసవిలో గుండె జబ్బులు ఉన్నవారు ఇవి గుర్తుంచుకోవాలి

వేసవిలో ఎక్కువసేపు ఎండలో ఉండటం గుండె రోగులకు చాలా ప్రమాదకరం. గుండె జబ్బులు ఉన్న రోగులు వేసవికాలంలో తమ గుండె ఆరోగ్యాన్ని జాగ్రత్తగా చూసుకోవాల్సిన అవసరం ఉంది. కొంచెం అజాగ్రత్తగా ఉంటే ఆస్పత్రి పాలు కాక తప్పదని నిపుణులు హెచ్చరిస్తున్నారు.

గుండె జబ్బులు ఉన్నవారు వేసవిలో కొన్ని విషయాలను గుర్తుంచుకోవాలి. ఇప్పటికే గుండె జబ్బులతో బాధపడుతున్నవారు వేసవిలో తమ గుండె ఆరోగ్యం పట్ల ఎక్కువ శ్రద్ధ వహించాలి. వేసవిలో శరీరాన్ని చల్లగా ఉంచుకోవడానికి గుండె ఎక్కువగా పనిచేయాల్సి ఉంటుంది. గుండె అధికంగా పనిచేయడం వల్ల ఆసుపత్రిలో చేరాల్సి రావచ్చు.

వేసవిలో ఎక్కువసేపు ఎండలో ఉంటే శరీరం వేడిగా మారుతుంది. శరీరాన్ని చల్లగా ఉంచడానికి గుండె బలంగా కొట్టుకోవాలి, శరీరంలోని ప్రతి భాగానికి రక్తాన్ని సరఫరా చేయాలి. ఇది శరీరాన్ని చల్లగా ఉంచడంలో సహాయపడుతుంది. దీనికోసం గుండె ఎక్కువగా పనిచేయాల్సి ఉంటుందని నిపుణులు అంటున్నారు.

వేసవిలో గుండె రోగులకు హీట్ స్ట్రోక్, డీహైడ్రేషన్, ఆంజినా, గుండెపోటు వచ్చే ప్రమాదం ఎక్కువగా ఉంటుంది. అందువల్ల అధిక వ్యాయామం మానుకోవాలి. మిమ్మల్ని మీరు చల్లగా ఉంచుకోవడానికి ప్రయత్నించాలి.

గుండె సంబంధిత సమస్యలు ఉన్నవారు ఎండలో బయటకు వెళ్లకుండా ఉండాలి. ఎండలో ఎక్కువసేపు ఉండకూడదు. సమతుల్య ఆహారం తీసుకోవాలి. మద్యం, ధూమపానం బాగా తగ్గించాలని నిపుణులు సూచిస్తున్నారు.

గుండె జబ్బులు ఉన్నవారు చల్లని ప్రదేశంలో ఉండాలి. ఫ్యాన్లు, కూలర్లు, ఏసీలను ఉపయోగించాలి. తేలికపాటి దుస్తులు ధరించడం, రోజుకు రెండుసార్లు స్నానం చేస్తే శరీరం చల్లగా ఉంటుంది. ఒత్తిడికి దూరంగా ఉండటంతో పాటు జంక్ ఫుడ్, స్పైసీ ఫుడ్ మానుకోవాలని సూచిస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.