Paper Cup Tea: ఈ విషయం తెలిస్తే పేపర్‌ కప్పులలో అస్సలు టీ తాగరు

చాలామంది పేపర్‌ కప్పులలో టీ, కాఫీ, ఇతర వేడి పానీయాలు తీసుకుంటారు. అయితే ఇప్పుడు నిపుణులు చెబుతున్న విషయాలు ఆందోళన కలిగించేలా ఉన్నాయి. పేపర్ గ్లాసు పేరు చెప్పినప్పటికీ అది కేవలం కాగితంతో తయారు కాలేదు.

అందులో మైక్రోప్లాస్టిక్ అనే రసాయన పదార్థం ఉండటం వల్ల అది నీటిని లేదా ఇతర ద్రవాలను అడ్డుకునే లక్షణాన్ని పొందుతుంది. అయితే అదే మైక్రోప్లాస్టిక్ వేడి ఉన్నపుడు క్రమంగా విడిపడి డ్రింక్‌లో కలిసిపోతుంది.

ఇది మనం తాగినప్పుడు, నెమ్మదిగా శరీరంలోకి చేరి దీర్ఘకాలంలో పలు జీర్ణ సంబంధ సమస్యలకు దారి తీస్తుంది. ఈ మైక్రోప్లాస్టిక్‌లు శరీరంలో పోషకాలు శోషణ ప్రక్రియను ప్రభావితం చేస్తాయి.

అంతే కాకుండా కొన్ని సందర్భాల్లో ఇవి కణ విభజనకు కారణమవుతూ క్యాన్సర్ వంటి భయంకరమైన వ్యాధులకు దారితీస్తాయి. వేడి పానీయాలు పేపర్ గ్లాసులో తాగడం వల్ల ఈ ప్రమాదం మరింత ఎక్కువవుతుంది.

ఎందుకంటే అధిక ఉష్ణోగ్రత కారణంగా మైక్రోప్లాస్టిక్ శక్తివంతంగా విడుదలవుతుంది. ఇది శాస్త్రీయంగా నిరూపితమైంది. పేపర్ గ్లాసులో కనిపించని మైక్రోప్లాస్టిక్ కణాలు కడుపులో చేరి అక్కడ నెమ్మదిగా జీర్ణ వ్యవస్థను దెబ్బతీయడం మొదలవుతుంది.

స్టీల్ గ్లాసులు లేదా గాజు గ్లాసులు ఉపయోగించటం ఆరోగ్యానికి మేలు చేస్తుంది. కేవలం సౌకర్యం కోసం వాడే పేపర్ గ్లాసులు, భవిష్యత్తు ఆరోగ్యాన్ని నాశనం చేస్తాయని నిపుణులు అంటున్నారు. పేపర్ గ్లాసు వాడకాన్ని తగ్గించడమే ఆరోగ్యానికి తీసుకోవాల్సిన జాగ్రత్త అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.