Beetroot Juice: శీతాకాలంలో బీట్‌రూట్ రసం తాగితే ఏమవుతుందో తెలుసా..?

శీతాకాలంలో ఆరోగ్యానికి బీట్‌రూట్ రసం ఒక వరం లాంటిది. ఇందులో పోషకాల నిధి ఉంటుంది. ఇది శరీరానికి వెచ్చదనాన్ని అందించడమే కాకుండా అనేక వ్యాధులను నివారిస్తుంది. శీతాకాలంలో బీట్‌రూట్ జ్యూస్‌ తాగడం వల్ల కలిగే ప్రయోజనాల గురించి తెలుసుకుందాం.

శీతాకాలంలో శరీరానికి అదనపు శక్తి, వేడి అవసరం. బీట్‌రూట్‌లో ఐరన్‌, పొటాషియం, ఫోలేట్ వంటి పోషకాలు ఉంటాయి. ఇవి రక్త ప్రసరణను మెరుగుపరచడం ద్వారా శరీరానికి వెచ్చదనాన్ని అందిస్తాయి.

బీట్‌రూట్ జ్యూస్‌ తాగడం వల్ల శరీరంలో నైట్రేట్ల పరిమాణం పెరుగుతుంది. ఇది రక్త నాళాలను వెడల్పు, రక్త ప్రసరణను మెరుగుపరుస్తుంది. శీతాకాలంలో చేతులు, కాళ్ళు తిమ్మిరిగా ఉంటే ఇది చాలా ప్రయోజనకరంగా ఉంటుంది.

శీతాకాలంలో జలుబు, దగ్గు, జ్వరం వంటి సమస్యలు సర్వసాధారణం. బీట్‌రూట్‌లో ఉండే విటమిన్ సి, యాంటీఆక్సిడెంట్లు శరీర రోగనిరోధక శక్తిని బలోపేతం చేస్తాయి. ఇది అనారోగ్యానికి గురయ్యే అవకాశాలను తగ్గిస్తుంది.

శీతాకాలంలో చర్మం పొడిబారి నిర్జీవంగా మారుతుంది. బీట్‌రూట్ రసం తాగడం వల్ల శరీరం నుంచి విష పదార్థాలు తొలగిపోతాయి. ఇది చర్మానికి, ముఖంపై సహజమైన మెరుపును నిలుపుతుంది.

శీతాకాలంలో రక్తపోటు పెరగడం అనే సమస్య సర్వసాధారణం. బీట్‌రూట్ రసం రక్తపోటును నియంత్రించడంలో సహాయపడుతుంది. ఇది గుండె ఆరోగ్యాన్ని మెరుగుపరిచి గుండెపోటు ప్రమాదాన్ని తగ్గిస్తుంది.

శీతాకాలంలో ఎక్కువగా బరువైన, నూనె పదార్థాలు కలిగిన ఆహారాన్ని తింటారు. దీనివల్ల జీర్ణ సమస్యలు వస్తాయి. బీట్‌రూట్ రసంలో ఫైబర్ జీర్ణవ్యవస్థను ఆరోగ్యంగా ఉంచి మలబద్ధకం నుంచి ఉపశమనం కలిగిస్తుంది.

బీట్‌రూట్‌లో ఐరన్‌ రక్తహీనతను నయం చేస్తుంది. ఉదయం, మధ్యాహ్నం ఖాళీ కడుపుతో బీట్‌రూట్ రసం తాగడం చాలా ప్రయోజనకరంగా ఉంటుంది. దీనికి నిమ్మరసం, అల్లం కలిపే రుచి మరింత పెరుతుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.