Sleep: నిద్ర అస్సలు పట్టడంలేదా..ఇది తాగారంటే పొద్దున వరకు లేవరు

నిద్ర కోసం మందులపై ఆధారపడే బదులు, వంటగదిలో సులభంగా లభించే సుగంధ ద్రవ్యాలను వాడవచ్చు. పడుకునే ముందు కొన్ని డ్రింక్స్‌ తాగడం వల్ల నాడీ వ్యవస్థ ప్రశాంతంగా ఉంటుంది, ఒత్తిడి తగ్గుతుంది. మంచి నిద్ర వస్తుంది.

దాల్చిన చెక్క రక్తంలో చక్కెరను నియంత్రిస్తుంది. నాడీ వ్యవస్థను ప్రశాంతపరిచే వేడి లక్షణాలను కలిగి ఉంటుంది. కాబట్టి గ్రీన్ టీలో అరచెంచా దాల్చిన చెక్క పొడి వేసి తాగితే బాగా నిద్రపడుతుంది

యాలకులు జీర్ణక్రియకు ప్రయోజనకరంగా ఉంటాయి. 1-2 యాలకుల గింజలను గ్రీన్ టీలో కలిపి తాగాలి. ఇది ఒత్తిడి, ఆందోళన నుండి ఉపశమనం కలిగిస్తుంది.

జాజికాయలో ఉండే మిరిస్టిసిన్ అనే సమ్మేళనం నిద్రను ప్రేరేపిస్తుంది. కండరాలను సడలిస్తుంది. కాబట్టి గ్రీన్ టీలో చిటికెడు తురిమిన జాజికాయను వేసుకోవాలి. ఇది మహిళల పునరుత్పత్తి ఆరోగ్యానికి సహాయపడుతుంది.

సోంపులోని లైకోరైస్ జీర్ణక్రియకు మంచిది. ఇది మనస్సును ప్రశాంతంగా ఉంచుతుంది. భోజనం తర్వాత గ్రీన్ టీలో టీ స్పూన్ సోంపు గింజలను కలిపి తీసుకుంటే మంచిది.

పసుపులో యాంటీ ఇన్‌ఫ్లమేటరీ గుణాలు ఉంటాయి. ఇవి మానసిక స్థితిని మెరుగుపరుస్తుంది. గ్రీన్ టీలో చిటికెడు పసుపును కొన్ని చుక్కల తేనెతో కలిపి తాగితే ప్రశాంతంగా నిద్రవస్తుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.