Curd: ఈ 3 విత్తనాలను పెరుగుతో కలిపి తింటే కీళ్ల నొప్పులు ఉండవు

వేసవి కాలంలో పెరుగు తినడం అనేది ఆరోగ్యానికి మంచిది. ఇందులో విత్తనాలు కలిపి తినడం మరింత ప్రయోజనకరంగా ఉంటుంది. కొన్ని ప్రత్యేక విత్తనాలు పెరుగుతో కలిపి తినడం ద్వారా కీళ్ల నొప్పుల నుండి ఉపశమనం పొందవచ్చు.

అవిసె గింజలు, చియా గింజలు, నువ్వులు పెరుగుతో కలిపి తింటే కీళ్ల నొప్పుల సమస్య నుంచి బయటపడవచ్చు. అవిసె గింజలలో ఒమేగా-3 కొవ్వు ఆమ్లాలు ఉంటాయి. ఈ గింజలను పెరుగుతో కలిపి తినడం వల్ల కీళ్ల వాపు, ఆర్థరైటిస్ వంటి సమస్యలు తగ్గుతాయి.

అవిసె గింజలను టీస్పూన్ మొత్తంలో కాల్చి పెరుగులో కలిపి ఉదయం లేదా సాయంత్రం తినడం వల్ల ప్రయోజనం ఉంటుంది. చియా గింజలు పెరుగుతో కలిపి తినడం కూడా ఒక మంచి ఎంపిక. ఇందులో ఒమేగా-3, కాల్షియం, యాంటీఆక్సిడెంట్లు పుష్కలంగా ఉండి ఎముకలను బలపరుస్తాయి.

కీళ్ల నొప్పులకు కూడా మంచిది. చియా విత్తనాలను టీస్పూన్ నీటిలో 20 నిమిషాలు నానబెట్టి ఆపై పెరుగుతో కలిపి తినడం వలన మంచి ఫలితాలు ఉంటాయి. నువ్వులు కూడా కీళ్ల నొప్పుల నుండి ఉపశమనం పొందడానికి ఉత్తమమైన విత్తనాలు.

ఇవి కాల్షియం, మెగ్నీషియం, జింక్ గొప్ప మూలం. ఇవి కీళ్ల నొప్పులకు చాలా ప్రభావవంతంగా ఉంటాయి. నువ్వులను పెరుగుతో కలిపి తినడం వల్ల ఎముకల సాంద్రత పెరుగుతుంది.

ఉదయం లేదా రాత్రి భోజనం తర్వాత ఒకసారి అల్పాహారంగా లేదా నైట్ స్నాక్‌గా ఈ పదార్ధాలను తీసుకోవచ్చు. రుచి కోసం కొంత తేనె కూడా వేసుకోవచ్చు. ఇలా ఈ విత్తనాలు పెరుగుతో కలిపి తింటే కీళ్ల నొప్పులు, ఇతర ఆరోగ్య సమస్యల నుండి ఉపశమనం పొందవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.