Colored clothes: వేసవిలో ఈ రంగు బట్టలు వేసుకుంటే కూల్‌గా ఉంటుంది

వేసవిలో అధిక వేడి ఉన్నప్పుడు వేసుకునే బట్టలు కూడా చాలా ముఖ్యం. ఎండాకాలంలో మనం మన డ్రెస్సింగ్ సెన్స్‌పై కూడా దృష్టి పెట్టాలి. ఈ సీజన్‌లో కొన్ని రంగుల దుస్తులు వేసుకుంటే కూల్ లుక్ ఇవ్వడమే కాకుండా ఆఫీసులో మిమ్మల్ని ఆకర్షణీయంగా మారుస్తాయి.

వేసవిలో తాజాగా ఉండాలంటే తెలుపు, నీలం రంగుల కలయిక బెస్ట్‌. తెల్ల చొక్కా, నీలి రంగు జీన్స్. లేదా నీలి చొక్కా, తెల్ల ప్యాంటు రెండూ ఆఫీసుకి సరిగ్గా సరిపోతాయి. ఈ కలయిక వేడిలో సౌకర్యవంతంగా ఉండటమే కాకుండా మిమ్మల్ని చల్లగా, తాజాగా ఉంచుతుంది. తెలుపు, బ్లూ కలర్స్‌ క్లాసీగా, ప్రొఫెషనల్‌గా కనిపించేలా చేస్తాయి.

వేసవిలో ప్రతి ఒక్కరికీ కొంచెం ఉల్లాసంగా, తాజాగా కనిపించడం అవసరం. పాస్టెల్ పసుపు, ఆకుపచ్చ రంగుల కలయిక కొత్త శక్తి, తాజాదనాన్ని ఇస్తుంది. పాస్టెల్ పసుపు చొక్కాతో ఆకుపచ్చ ప్యాంటు లేదా పాస్టెల్ పసుపు స్కర్ట్ లేదా ఆకుపచ్చ టాప్‌తో ప్యాంట్‌ ధరించవచ్చు. ఈ రెండు కాంబినేషన్లు చాలా బాగుంటాయి. కళ్లకు మంచిగా కనిపించడంతో పాటు కార్యాలయంలో సానుకూల వైబ్‌ను కూడా సృష్టిస్తుంది.

ఆఫీసులో మంచి లుక్‌లో కనిపించాలంటే లేత గులాబీ, తెలుపు రంగులు గొప్ప ఎంపిక. తెల్లటి ప్యాంటు లేదా స్కర్ట్‌తో లేత గులాబీ రంగు షర్ట్ లేదా టాప్ వేసుకుంటే ఈ కాంబినేషన్ చాలా అందంగా కనిపిస్తుంది. ఈ రంగులు మిమ్మల్ని చల్లగా, తాజాగా మార్చడమే కాకుండా కార్యాలయంలో ఆకర్షణీయమైన ఇమేజ్‌ను తెస్తాయి.

నేవీ బ్లూ, గ్రే కలర్ కాంబినేషన్ ప్రొఫెషనల్, స్టైలిష్ గా ఉంటుంది. నేవీ బ్లూ టాప్, బూడిద రంగు ప్యాంటు లేదా బూడిద రంగు బ్లేజర్, నేవీ బ్లూ షర్ట్ ఒక గుడ్‌ కాంబినేషన్‌. ఈ రంగుల కలయిక సౌకర్యవంతమైన రూపాన్ని ఇస్తుంది. ఇది వేసవి కాలంలో ఆఫీసుకు సరైన కలర్స్‌. ఈ లుక్ సహోద్యోగులను కూడా మీ వైపు ఆకర్షిస్తుంది.

ఆలివ్ గ్రీన్, లేత గోధుమరంగు కలయిక హుందాగా, స్టైలిష్ లుక్ ఇస్తుంది. ఈ కాంబినేషన్ న్యూట్రల్, మినిమల్ స్టైల్ ఇష్టపడే వారికి బెస్ట్‌. ఆఫీసులో లేత గోధుమరంగు ప్యాంటుతో ఆలివ్ గ్రీన్ షర్ట్ లేదా లేత గోధుమరంగు ప్యాంటుతో ఆలివ్ గ్రీన్ జాకెట్ వేసుకుంటే వేసవికాలం చల్లదనాన్ని ఇస్తాయి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.