Cow Milk : పిల్లలకు ఆవు పాలు పట్టించడం మంచిదేనా..? నిపుణులు ఏం చెబుతున్నారు..?

Cow Milk Is Good Or Bad : చిన్న పిల్లల(Children's) కు ఆవు పాలు(Cow Milk) చాలా ప్రయోజనకరంగా పరిగణించబడతాయి. పిల్లలకు ఆవు పాలు పట్టించడం మంచిదే అని ఇంట్లో పెద్దలు సలహా ఇవ్వడం తరచుగా వినే ఉంటారు. అయితే వైద్యులు ఏం చెబుతున్నారో అనేది ఇప్పుడు తెలుసుకుందాము..? వాస్తవానికి, నవజాత శిశువులు ఆవు పాలలో ఉన్న ప్రోటీన్, ఖనిజాలను సరిగ్గా జీర్ణించుకోలేరు. దీంతో వారి ఆరోగ్యంపై ప్రతికూల ప్రభావం పడుతుంది. నవజాత శిశువులకు ఆవు పాలు ఎందుకు ఇవ్వకూడదనే కారణం 5 ప్రధాన కారణాలను వెల్లడించారు వైద్య నిపుణులు అవేంటో చూద్దాం..

అధిక కాంప్లెక్స్ ప్రొటీన్

ఆవు పాలలో కాంప్లెక్స్ ప్రొటీన్(Complex Protein) అధికంగా ఉంటుంది. ఈ ప్రొటీన్ ఆవు దూడ పుట్టిన వెంటనే నిలబడటానికి, నడవడానికి సహాయపడుతుంది. కానీ ఈ కాంప్లెక్స్ ప్రొటీన్ చిన్న పిల్లల కిడ్నీల పై చెడు ప్రభావం చూపుతుంది. నిజానికి, పిల్లల జీర్ణవ్యవస్థ ఈ ప్రోటీన్‌ను సరిగ్గా జీర్ణం చేసుకోలేకపోతుంది. దీని కారణంగా పిల్లల కిడ్నీలు దెబ్బతినవచ్చు . అలాగే విరేచనాలు, మలంలో రక్తం కూడా కనిపించవచ్చు.

ఐరన్ లోపం

ఆవు పాలలో ఐరన్, విటమిన్ సి , ఇతర పోషకాలు లేకపోవడం వల్ల పిల్లల ఎదుగుదల ప్రతికూలంగా ప్రభావితమవుతుంది. పుట్టిన వెంటనే శిశువుకు ఆవు పాలు పట్టించడం వల్ల అతని శరీరంలో ఇనుము లోపం ఏర్పడుతుంది. ఇది రక్తహీనత ప్రమాదాన్ని పెంచుతుంది.

విటమిన్ సి లోపం

ఆవు పాలలో విటమిన్ సి(Vitamin C) లేకపోవడం వల్ల రోగనిరోధక శక్తి బలహీనంగా ఉంటుంది. విటమిన్ సి పిల్లలు త్వరగా అనారోగ్యం బారిన పడకుండా రోగనిరోధక శక్తిని పెంచడంలో సహాయపడుతుంది.

పోషకాహార లోపం

ఆవు పాలలో పిల్లలకు అవసరమైన పోషకాలు ఎక్కువగా కనిపించవు. ఆవు పాలను నీళ్లలో కలిపి ఇవ్వడం వల్ల పిల్లలకు సరైన కొవ్వు అందదు.

ఊబకాయం

ఆవు పాలు తాగడం వల్ల పిల్లల్లో ఊబకాయం వస్తుంది. నిజానికి, ఆవు పాలలో మంచి మొత్తంలో ఫాస్ఫేట్, ప్రోటీన్లు ఉంటాయి. దీని కారణంగా పిల్లల బరువు విపరీతంగా పెరగడం ప్రారంభమవుతుంది. శరీరం పై అధిక కొవ్వు కారణంగా, అతని ఎదుగుదల ఆగిపోతుంది.

ఒక సంవత్సరం తర్వాత ఆవు పాలు

తల్లి పాల ఉత్పత్తి లేకపోతే, ఒక సంవత్సరం కంటే తక్కువ వయస్సు ఉన్న పిల్లలకు ఫార్ములా పాలు ఉత్తమం. ఒక సంవత్సరం తర్వాత మాత్రమే బిడ్డకు ఆవు పాలు ఇవ్వడం మంచిది అని నిపుణుల సూచన.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read: Anger: కోపం ఎన్ని అనర్థాలకు కారణమో తెలుసుకోండి.. సంచలన అధ్యయనం!