Lord Shiva: ఇండియాలో ఎత్తైన శివలింగాలు ఇక్కడ ఉన్నాయి..?

Lord Shiva: సనాతన ధర్మానికి చెందిన చాలా దేవాలయాలలో శివలింగం ఉంటుంది. శివలింగం శక్తి , సామర్థ్యానికి చిహ్నం. భారతదేశంలోని ప్రతి రాష్ట్రంలో అనేక శివాలయాలు ఉన్నాయి. అనేక శతాబ్దాలుగా ప్రజలు శివుడిని శివలింగం రూపంలో పూజిస్తున్నారు. ముఖ్యంగా శ్రావణ మాసంలో శివుడికి ప్రత్యేక పూజలు నిర్వహిస్తారు. భారతదేశంలోని 5 ఎత్తైన శివలింగాల ఇప్పుడు తెలుసుకుందాము..

సిద్ధేశ్వర నాథ్ ఆలయం, అరుణాచల్ ప్రదేశ్

అరుణాచల్ ప్రదేశ్‌లోని జిరో నగరం ప్రపంచ వారసత్వ ప్రదేశంగా పర్యాటకులకు ఇష్టమైన నగరంగా పిలుస్తారు. జిరోలోని సిద్ధేశ్వర్ నాథ్ ఆలయంలో శివలింగం అత్యంత ఎత్తైన ఆలయాల్లో ఒకటి. ఇక్కడ శివలింగం పొడవు 25 అడుగులు, వెడల్పు 22 అడుగులు.

భోజేశ్వర దేవాలయం, మధ్యప్రదేశ్

భోజ్‌పూర్‌లోని భోజేశ్వర్ ఆలయం భారతదేశంలోని అతిపెద్ద శివలింగాలలో ఒకటిగా ప్రసిద్ధి చెందింది. ఇక్కడ 18 అడుగుల ఎత్తైన శివలింగం.. మధ్యప్రదేశ్‌లోని రైసెన్ జిల్లాలో ఉన్న ఒక రాతితో నిర్మించబడింది. ఇది బెత్వా నది ఒడ్డున ఉంది.

అమర్‌నాథ్ ఆలయం, జమ్మూ కాశ్మీర్

అమర్‌నాథ్ గుహ దేవాలయం జమ్మూ కాశ్మీర్‌లో ఉంది. శివునికి అంకితం చేయబడిన ఈ ఆలయం హిందూ మతంలో అత్యంత పవిత్రమైన దేవాలయాలలో ఒకటిగా పరిగణించబడుతుంది. ఇది 40 మీటర్ల ఎత్తైన శివలింగం దీనిని బర్ఫా లింగంగా పిలుస్తారు.

బడవిలింగ దేవాలయం, హంపి

కర్నాటకలోని హంపి బడావిలింగ దేవాలయం అతిపెద్ద శివలింగాలలో ఒకటి. ఇది లక్ష్మీ నరసింహ ఆలయం పక్కన ఉంది. ఇది హంపిలో అతిపెద్ద ఏకశిలా శివలింగం.

కోటిలింగేశ్వరాలయం, కర్ణాటక

కోటిలింగేశ్వరుడు కర్ణాటకలోని కోలార్ జిల్లాలో ఉన్నాడు. ఈ ప్రదేశం ప్రపంచంలోనే అతి పెద్ద శివలింగాలలో ఒకటిగా పరిగణించబడుతుంది. కోటిలింగేశ్వర్ ఆలయం కోటిలింగేశ్వరునికి అంకితం చేయబడింది. ఇక్కడ వివిధ దేవతల పదకొండు చిన్న మందిరాలు , నందీశ్వర్ ఎత్తైన విగ్రహం ఉన్నాయి. ఇక్కడ 108 అడుగుల ఎత్తైన శివలింగం ఉంది. దానికి సరిగ్గా ఎదురుగా 5 అడుగుల ఎత్తైన నంది విగ్రహం ఉంటుంది.

Also Read: Life Style: శ్రావణ మాసంలో ఆకుపచ్చ రంగు ఎందుకు ప్రత్యేకం..?