Street Food: ఇక్కడ ఈ స్ట్రీట్ ఫుడ్ ఖచ్చితంగా ట్రై చేయండి.. టేస్ట్ ఎప్పటికీ మర్చిపోరు..!

Mumbai Street Food: ముంబయి అనే పేరు వినగానే ప్రజలకు ముందుగా గుర్తుకు వచ్చేది అక్కడి రాత్రి జీవితం, చూడదగ్గ ప్రదేశాలు. ఈ నగరం బాలీవుడ్ తారలకు దాని రుచికరమైన స్ట్రీట్ ఫుడ్ కు చాలా ప్రసిద్ధి చెందింది. ఇక్కడ ప్రతి మూలలో ఆహార దుకాణాలను కనిపిస్తాయి. ముంబై స్ట్రీట్ ఫుడ్ కు చాలా మంది అభిమానులు కూడా ఉంటారు. అయితే మీరు ముంబై వెళ్ళినప్పుడు ఈ స్ట్రీట్ ఫుడ్స్ ఖచ్చితంగా ట్రై చేయండి. అక్కడ ఇవి చాలా ఫేమస్.

పావ్ భాజీ

ముంబైలో ఎక్కువగా తినే స్ట్రీట్ ఫుడ్స్‌లో ఇది ఒకటి. మసాలా దినుసులు కలిపిన కూరగాయలు వెన్న పూసిన బన్స్‌తో వడ్డిస్తారు. దీన్ని ఉల్లిపాయ-చట్నీతో తింటారు. ఈ వంటకాన్ని పనీర్ పావ్ భాజీ, చీజ్ పావ్ భాజీ మష్రూమ్ పావ్ భాజీ వంటి అనేక రకాలుగా తయారుచేస్తారు. దీన్ని ముంబైలో ఖచ్చితంగా రుచి చూడాలి.

పానీ పూరి

పానీ పూరి ముంబైలోని ప్రతి సందు, మూలలో ఇది కనిపిస్తుంది. చిన్న క్రిస్పీ పూరీలను రగ్దా (తెల్ల బఠానీ) సగ్గుబియ్యం, చింతపండు నీటితో అందిస్తారు. దీని మసాలా రుచి అద్భుతంగా ఉంటుంది.

వడ పావ్

నగరంలో సులభంగా లభించే వీధి చిరుతిళ్లలో ఒకటి వడ పావ్. ఇది ఒక రకమైన బర్గర్. ఇందులో బంగాళదుంపలను శెనగపిండిలో చుట్టి వేయించి బన్ను మధ్యలో వడ్డిస్తారు. వేయించిన మిరపకాయలను దానితో కలిపి తింటే మీరు చాలా ఇష్టపడతారు.

భేల్ పూరి

ఇక్కడ లభించే భేల్ పూరీ రుచిని మీరు తప్పక రుచి చూడాలి. దీన్ని తయారు చేయడానికి, పఫ్డ్ రైస్, సెవ్, తరిగిన బంగాళాదుంపలు, ఉల్లిపాయలు, టమోటాలు కలుపుతారు. ఈ మిశ్రమానికి వివిధ రకాల చట్నీలు కూడా జోడించబడతాయి. ఇది తీపి, కారం, పుల్లని రుచిని అందిస్తుంది.

Also Read: Hair: మృదువైన, మెరిసే జుట్టు కోసం.. ఈ రెండు పనులు చేస్తే చాలు..?