Japanese: జపనీయుల ఆహార రహస్యాలు ఇవే..? అందుకే ఎక్కువ కాలం జీవిస్తారట..!

Japanese: జపనీస్ ప్రజలు ప్రపంచంలో అత్యంత యోగ్యమైన, ఎక్కువ కాలం జీవించేవారు. అయితే ఇది ఎందుకు అని మీరు ఎప్పుడైనా తెలుసుకోవడానికి ప్రయత్నించారా? వాస్తవానికి, జపనీస్ ప్రజలు ఆరోగ్యంగా ఉండటానికి ప్రతి ఆరోగ్యకరమైన అలవాటును అవలంబిస్తారు. ఇది ఆదర్శవంతమైనది. ప్రతి ఒక్కరూ కూడా పాటించాలి. ముఖ్యంగా ఆహారం విషయంలో చాలా జాగ్రత్తగా ఉంటారు. జపనీస్ ప్రజలు ఎక్కువ కాలం ఆరోగ్యంగా, ఫిట్ గా జీవించడానికి గల రహస్యం వారి ఆహారపు అలవాట్లు. అవేంటో ఇప్పుడు తెలుసుకుందాము..

మైండ్ ఫుల్ ఈటింగ్

ఆరోగ్యంగా ఉండడానికి మైండ్ ఫుల్ ఈటింగ్ చాలా ముఖ్యం. ప్రతీ పోషకాహార నిపుణులు కూడా ఇదే చెబుతారు. తినేటప్పుడు ఆహరం విషయంలో జాగ్రత్తగా ఉండాలి. మన శరీరానికి ఏది కావాలి ...? ఏది అవసరం లేదు అనేది గుర్తుంచుకోవాలి. కానీ చాలా తక్కువ మంది మాత్రమే దీనిని అనుసరిస్తున్నారు. అలాగే తినేటప్పుడు ప్రశాంతంగా అందరితో కలిసి కూర్చొని ప్రతి రుచిని ఆస్వాదించాలి. ఇది కడుపు నింపడమే కాకుండా మనసుకు సంతృప్తిని ఇచ్చేవి. జపాన్ ప్రజలు ఈ పద్ధతినే ఎక్కువగా అనుసరిస్తారు. తరచుగా చాల మంది టీవీ లేదా మొబైల్ చూస్తున్నప్పుడు హడావిడిగా తింటారు. దీని వల్ల వారు ఎంత తిన్నారో వారికి తెలియదు. అది అనారోగ్యకరమైన జీవనశైలికి దారితీస్తుంది.

పోర్షన్ కంట్రోల్

మీరు ఆనందంతో ఆహారాన్ని తిన్నప్పుడు, అది ఆటోమేటిక్ గా మీకు సంతృప్తి, సంపూర్ణత అనుభూతిని ఇస్తుంది. కానీ అదే సమయంలో పోర్షన్ కంట్రోల్ కూడా చాలా ముఖ్యం. ఆహరం బాగుంది కదా అని కావాల్సిన కంటే ఎక్కువ తినేయడం అస్సలు మంచిది కాదు. నాలుగు రోటీలు తినాలనిపించినప్పుడు ఒక రోటీని తక్కువగానే తినడానికి ప్రయత్నించండి. జపనీయులు తమ ఆహారం పరిమాణంపై చాలా శ్రద్ధ చూపుతారు. వారు ఆకలిని బట్టి మాత్రమే తింటారు.

వేడి పానీయాలు

జపనీస్ ప్రజలు తమ ఆహారంలో చల్లని వస్తువుల కంటే వేడి వస్తువులకు ప్రాధాన్యత ఇస్తారు. వేడి పదార్థాలు ఆహారాన్ని సులభంగా జీర్ణం చేయడంలో సహాయపడతాయి. వేడి సూప్‌లు , పానీయాలు జపనీస్ వంటకాలకు విలక్షణమైనవి.

ప్రోబయోటిక్స్

మిసో, నాటో జపనీస్ ప్రజల ఆహారాలలో క్రమం తప్పకుండా తింటారు. ఈ ఆహారాలన్నీ గట్ ఆరోగ్యానికి ప్రోబయోటిక్స్‌గా పనిచేస్తాయి. పొట్టను ఆరోగ్యంగా ఉంచుతాయి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read: Cholesterol: ఈ లక్షణాలు కనిపిస్తే.. మీ శరీరంలో కొవ్వు పెరుగుతుందని అర్థం జాగ్రత్త..! - Rtvlive.com