Happy Heart Syndrome: మితిమీరిన ఆనందంతో గుండెపోటు ప్రమాదం.. ! పురుషులలో ఈ ప్రభావం ఎక్కువ..!

Happy Heart Syndrome: సాధారణంగా పెద్ద షాక్ కు గురైనప్పుడు ప్రజలు హార్ట్ స్ట్రోక్ తో మరణించినట్లు చాలాసార్లు వినే ఉంటారు. ఇది బాధకు మాత్రమే కాదు సుఖానికి కూడా వర్తిస్తుంది. సహజంగా ఒక వ్యక్తి తాను ఊహించిన దాని కంటే ఎక్కువ సాధిస్తే ఆనందానికి అవధులు ఉండవు. అయితే, మితిమీరిన ఆనందం కూడా మరణానికి దారి తీస్తుందని చెబుతున్నారు నిపుణులు. ఈ విషయం ఇప్పటికే అనేక పరిశోధనల్లో వెల్లడైంది. నమ్మడం కష్టంగా ఉండవచ్చు. కానీ అధిక ఆనందం కారణంగా ప్రజలు హ్యాపీ హార్ట్ సిండ్రోమ్‌కు గురవుతారు.

హ్యాపీ హార్ట్ సిండ్రోమ్‌

అమెరికన్ కాలేజ్ ఆఫ్ కార్డియాలజీ నివేదిక ప్రకారం, సంతోషం, దుఃఖం సమయంలో ప్రజల భావోద్వేగాలు ఎక్కువగా ఉంటాయి. ఏదైనా కల నెరవేరితో ఆనందంతో గంతులేయడం సహజమే. కానీ ప్రజలు దీనికి దూరంగా ఉండాలి. అధిక ఆనందం కారణంగా ప్రజలు హ్యాపీ హార్ట్ సిండ్రోమ్‌కు గురవుతారు. ఈ సిండ్రోమ్ గుండె ఆరోగ్యానికి హానికరం, గుండెపోటుకు దారితీస్తుంది. దీని కారణంగా, గుండె కండరాలు బలహీనపడవచ్చు. అలాగే రక్తాన్ని పంప్ చేసే సామర్థ్యం కూడా తగ్గుతుంది. అయితే ఈ సిండ్రోమ్ పురుషులను ఎక్కువగా ప్రభావితం చేస్తుంది.

స్ట్రెస్ కార్డియోమయోపతి

హ్యాపీ హార్ట్ సిండ్రోమ్ ప్రమాదకరమైనది, కానీ దాని కారణంగా మరణించిన సందర్భాలు చాలా అరుదు. హ్యాపీ హార్ట్, బ్రోకెన్ హార్ట్ సిండ్రోమ్ కారణంగా మరణాల సంఖ్య చాలా తక్కువ. ఈ రెండు పరిస్థితులను స్ట్రెస్ కార్డియోమయోపతి అని కూడా అంటారు. ఇది ప్రజలకు ఎటువంటి ప్రత్యేక ప్రమాదాన్ని కలిగించదు. అరుదైన సందర్భాల్లో మాత్రమే పరిస్థితి ప్రమాదకరంగా ఉంటుంది. ఈ సిండ్రోమ్‌ను చికిత్స ద్వారా తొలగించవచ్చని పరిశోధకుల చెబుతున్నారు. ఛాతీలో నొప్పి, తీవ్రమైన ఒత్తిడి, శ్వాస తీసుకోవడంలో ఇబ్బంది ఈ రెండు సిండ్రోమ్‌ల ప్రధాన లక్షణాలు.

భావోద్వేగాల నియంత్రణ

సంతోషం లేదా బాధ మాత్రమే ఈ సిండ్రోమ్ కు కారణం కాదు. ఎలక్ట్రో కార్డియోగ్రామ్ అసాధారణత, ఎడమ జఠరికలో సమస్య కారణంగా కూడా ఈ సిండ్రోమ్ సంభవించవచ్చు. ఎవరైనా చాలా సంతోషం లేదా విచారం తర్వాత స్ట్రెస్ కార్డియోమయోపతికి గురైతే, చికిత్స పొందండి. ఒక నెలలో పూర్తిగా కోలుకోవచ్చు. విశేషమేమిటంటే బ్రోకెన్ హార్ట్, హ్యాపీ హార్ట్ సిండ్రోమ్ లక్షణాలు ఒకేలా ఉంటాయి. ఈ సమస్యలను నివారించడానికి, ప్రజలు తమ భావోద్వేగాలను నియంత్రణలో ఉంచుకోవాలి.

Also Read: Ambani Wedding: కళ్ళు జిగేలుమనిపించేలా అంబానీ పెళ్ళీ ఊరేగింపు.. వీడియో వైరల్ - Rtvlive.com