Almond: ఏ వయసు వారు ఎన్ని బాదం పప్పులు తినాలి.. ? అతిగా తిన్నారో అంతే

Almond: ప్రతీరోజు డైట్ లో బాదంపప్పులు తీసుకోవడం ఆరోగ్యానికి చాలా మంచిది. వీటిలో విటమిన్ ఇ, కాల్షియం, ఫాస్పరస్, జింక్, సెలీనియం, కాపర్, నియాసిన్, ఐరన్ మరియు మెగ్నీషియం వంటి పోషకాలు పుష్కలంగా ఉంటాయి. క్రమం తప్పకుండా బాదం తీసుకోవడం వల్ల గుండె, మెదడు , చర్మం, జుట్టు ఆరోగ్యం.. మధుమేహం, దగ్గు, శ్వాసకోశ వంటి సమస్యలను మెరుగుపరచడంలో సహాయపడతాయి. అయితే బాదం ఆరోగ్యానికి మేలు చేసినప్పటికీ.. దాని వేడి స్వభావం కారణంగా అతిగా తినడం హానికరం. అటువంటి పరిస్థితిలో ఏ వయసు వారు ఎంత మోతాదులో బాదంపప్పులు తినాలో ఇప్పుడు తెలుసుకుందాము..

పెద్దవారు రోజుకు ఎన్ని బాదంపప్పులు తినాలి?

ఆరోగ్య నివేదికలు ప్రకారం.. ఒక వయోజన(adult) వ్యక్తి రోజుకు 30 గ్రాములు తినాలని సిఫార్సు చేస్తున్నాయి.. అంటే దాదాపు 23 బాదంపప్పులు. ఈ పరిమాణం శరీరానికి అవసరమైన అన్ని పోషకాలను అందించడానికి సరిపోతుంది. పెద్దవారు ఈ పరిమాణంలో బాదంలు తీసుకోవడం వల్ల ఆరోగ్యానికి ఎలాంటి హానీ ఉండదు. నిపుణుల అభిప్రాయం ప్రకారం, భారతదేశం వంటి వేడి దేశంలో, ఒక వ్యక్తి రోజుకు 4-5 నానబెట్టిన బాదంపప్పులను తినకూడదు. అంతేకాదు బాదంపప్పును ఎక్కువగా తీసుకుంటే మలబద్ధకం, చర్మవ్యాధులు, విపరీతమైన చెమట పట్టడం వంటి సమస్యలు తలెత్తుతాయి.

పిల్లలకు ఎన్ని బాదంపప్పులు తినాలి?

పిల్లలకు దాదాపు 10 బాదం పప్పులు సరిపోతాయి. పిల్లలకు రోజూ 10 నానబెట్టిన బాదంపప్పులను తినిపించడం ద్వారా వారికి తగిన మోతాదులో ప్రొటీన్లు అందుతాయి.

బరువు తగ్గడానికి

బాదం తినని వారి కంటే బాదం తినే వారు వేగంగా బరువు తగ్గుతారని ఒక అధ్యయనంలో తేలింది. బాదంలో మోనోశాచురేటెడ్ కొవ్వు, ప్రొటీన్, ఫైబర్ పుష్కలంగా ఉంటాయి. ఇవి చాలా సమయం వరకు కడుపు నిండుగా ఉండనే భావనను కలిగిస్తాయి. బాదంపప్పులో ఉండే మోనోశాచురేటెడ్ వంటి ఆరోగ్యకరమైన కొవ్వులు గుండె ఆరోగ్యాన్ని

కొలెస్ట్రాల్ స్థాయిలను తగ్గించి గుండె ఆరోగ్యాన్ని కాపాడతాయి. దీనిలోని ప్రోటీన్ కండరాళ్ళ రిపేర్, పెరుగుదలలో సహాయపడుతుంది. బాదంపప్పు ఆరోగ్యకరమైన బరువును నిర్వహించడానికి సహాయపడుతుంది.

Also Read: Keerthy Suresh : ఆ విషయంలో చిరంజీవి కంటే ఆ హీరో బెటర్.. కీర్తి సురేష్ కామెంట్స్ ..! - Rtvlive.com