Diabetes: మధుమేహ రోగులు ఈ సమయంలో వ్యాయామం చేయడం ఉత్తమం..?

Diabetes: భారతదేశంలో 10 కోట్ల మందికి పైగా మధుమేహ రోగులు ఉన్నారు. మధుమేహాన్ని వాడుక భాషలో షుగర్ వ్యాధి అంటారు. ఇది చాలా ప్రమాదకరమైన వ్యాధి, దీనిలో శరీరంలోని రక్తంలో చక్కెర స్థాయి సాధారణం కంటే ఎక్కువగా ఉంటుంది. ఈ వ్యాధి జీవిత కాలం వెంటాడుతూనే ఉంటుంది. శారీరక శ్రమ, ఆహారపు అలవాట్లు, జీవనశైలిలో మార్పులు కూడా చక్కెర స్థాయిని ప్రభావితం చేస్తాయి. మధుమేహ వ్యాధిగ్రస్తులు షుగర్ స్థాయిని నియంత్రించడానికి కఠినమైన నియమాలను పాటించాలి.

మధుమేహాన్ని నియంత్రించాలంటే మంచి జీవనశైలి, సమతుల్య ఆహారం, క్రమం తప్పకుండా వ్యాయామం చేయాలని నిపుణుల సూచన. మంచి బ్యాలెన్స్డ్ లైఫ్ షుగర్ లెవల్స్‌ని కంట్రోల్ చేయడంలో చాలా సహాయపడుతుంది. శారీరక శ్రమ శరీరాన్ని ఇన్సులిన్‌కు మరింత సున్నితంగా చేస్తుంది. దీని వల్ల షుగర్ లెవెల్‌ను కంట్రోల్ చేయడం సులభం అవుతుంది. అయితే మధుమేహ వ్యాధిగ్రస్తులు వ్యాయామంతో పాటు మందులు కూడా సమయానికి తీసుకోవాలి. ఈ విషయంలో అజాగ్రత్తగా ఉండకూడదు.

మధుమేహ వ్యాధిగ్రస్తులు వ్యాయామం చేయడానికి ఉత్తమమైన సమయం

డయాబెటిక్ రోగులు తిన్న తర్వాత తప్పనిసరిగా నడవాలని నిపుణులు చెబుతున్నారు. సాధారణంగా రాత్రి భోజనం చేసిన తర్వాత నడవడం లేదా వ్యాయామం చేయడం మధుమేహ రోగులకు అత్యంత ప్రయోజనకరంగా పరిగణించబడుతుంది. అనేక పరిశోధనలలో ఈ సమయం ఉత్తమమైనదిగా చెప్పబడింది.

మధుమేహ వ్యాధిగ్రస్తులు రోజూ ఉదయం, సాయంత్రం కొంత సమయం పాటు వ్యాయామం చేయాలని వైద్యులు చెబుతున్నారు. వ్యాయామం అంటే వర్కవుట్ మాత్రమే కాదు, భోజనం తర్వాత వాకింగ్ కూడా షుగర్ లెవెల్‌పై సానుకూల ప్రభావం చూపుతుంది. మధుమేహ వ్యాధిగ్రస్తులు లంచ్ , డిన్నర్ తర్వాత తప్పనిసరిగా వ్యాయామం చేయాలి. మధ్యాహ్న భోజనం తర్వాత అది సాధ్యం కాకపోతే, రాత్రి భోజనం తర్వాత అన్ని నడక లేదా వ్యాయామం చేయాలి. నిజానికి, తిన్న తర్వాత, రక్తంలో చక్కెర స్థాయి పెరుగుతుంది. వ్యాయామం లేదా వాకింగ్ చేయడం ఇది కొంతవరకు నియంత్రించబడుతుంది.

Also Read: Pregnancy: ప్రెగ్నెన్సీలో నిద్రపోయే ముందు పొరపాటున కూడా ఈ తప్పులు చేయకండి..!