🔴Iran-Israel War LIVE Updates: ఖమేనీ మృతి ఇరాన్‌ సంచలన ప్రకటన.. లైవ్‌ అప్‌డేట్స్‌

Iran-Israel War LIVE Updates: ఇరాన్‌పై జరిగిన అమెరికా-ఇజ్రాయెల్ దాడుల్లో ఇరాన్ సుప్రీం లీడర్ అయతుల్లా అలీ ఖమేనీ మరణించినట్లు ఇరాన్ మీడియా తెలిపింది. దేశంలో 40 రోజుల పాటు సంతాప దినాలు పాటించనున్నట్లు అక్కడి ప్రభుత్వం ప్రకటించింది.

ఈ ఘటనపై అమెరికా అధ్యక్షుడు డొనాల్డ్ ట్రంప్ స్పందిస్తూ, దాడి జరిగిన కొన్ని గంటలకే ఖమేనీ మరణించారని తెలిపారు. ఆయన వ్యాఖ్యలతో ఈ విషయం మరింత చర్చకు దారి తీసింది. ఖమేనీ పాలనపై ట్రంప్ తీవ్ర విమర్శలు చేశారు. ఈ సంఘటన ఇరాన్ ప్రజలకు ఒక పెద్ద మార్పు తీసుకురావొచ్చని ఆయన అన్నారు.

అయతుల్లా అలీ ఖమేనీ 1939 ఏప్రిల్ 19న ఇరాన్‌లోని మష్హాద్ నగరంలో జన్మించారు. 1981లో మొహమ్మద్ అలీ రాజాయ్ మరణం తర్వాత ఆయన ఇరాన్ అధ్యక్షుడిగా బాధ్యతలు చేపట్టారు. తరువాత 1989లో దేశ సుప్రీం లీడర్‌గా బాధ్యతలు స్వీకరించి, ఎన్నో సంవత్సరాలు ఆ పదవిలో కొనసాగారు.

ఈ సంఘటనపై ఇంకా పూర్తి వివరాలు రావాల్సి ఉంది. ప్రపంచ దేశాలు ఈ పరిణామాలను దగ్గరగా గమనిస్తున్నాయి.

Mar 01, 2026 10:16 IST
Iran-Israel War LIVE Updates:
ఆదివారం ఇరాన్ నుంచి క్షిపణులు ప్రయోగించినట్లు ఇజ్రాయెల్ సైన్యం తెలిపింది. ఈ నేపథ్యంలో మధ్య ఇజ్రాయెల్ ప్రాంతాలతో పాటు ఆక్రమిత వెస్ట్ బ్యాంక్‌లోని కొన్ని ప్రాంతాల్లో హెచ్చరిక సైరన్లు మోగాయి.
“ఇరాన్ నుంచి ఇజ్రాయెల్ వైపు క్షిపణులు వస్తున్నట్లు గుర్తించిన తర్వాత దేశంలోని పలు ప్రాంతాల్లో సైరన్లు వినిపించాయి. అవసరమైన చోట్ల ముప్పును అడ్డుకునేందుకు, తగిన చర్యలు తీసుకునేందుకు వాయుసేన పని చేస్తోంది” అని సైన్యం పేర్కొంది.



Mar 01, 2026 08:07 IST
Iran-Israel War LIVE Updates:
بسم الله الرحمن الرحیم

مِنَ الْمُؤْمِنِینَ رِجالٌ صَدَقُوا ما عاهَدُوا اللّهَ عَلَیْهِ فَمِنْهُمْ مَنْ قَضى نَحْبَهُ وَ مِنْهُمْ مَنْ یَنْتَظِرُ وَ ما بَدَّلُوا تَبْدِیلاًhttps://t.co/vVE1NYLvr3pic.twitter.com/H3xLBUullf
— KHAMENEI.IR | فارسی (@Khamenei_fa) March 1, 2026



Mar 01, 2026 08:06 IST
Iran-Israel War LIVE Updates:
శనివారం ఇరాన్ పై అమెరికా భారీ సైనిక దాడులు చేపట్టింది. ఈ దాడుల్లో టోమాహాక్ క్రూయిజ్ క్షిపణులు, స్టెల్త్ ఫైటర్ జెట్లు వినియోగించాయి. అలాగే యుద్ధంలో మొదటిసారి తక్కువ ఖర్చుతో తయారైన డ్రోన్లను కూడా ఉపయోగించింది. ఇవి ఇరాన్ నమూనాలను ఆధారంగా చేసుకుని రూపొందించినవిగా సమాచారం.
“ఆపరేషన్ ఎపిక్ ఫ్యూరీ” పేరుతో జరిగిన ఈ దాడుల వివరాలను యూఎస్ సెంట్రల్ కమాండ్ విడుదల చేసింది. టోమాహాక్ క్షిపణులు, ఎఫ్-18, ఎఫ్-35 యుద్ధ విమానాల చిత్రాలను కూడా విడుదల చేసింది.



Mar 01, 2026 07:31 IST
Ali Khamenei : 35 ఏళ్ల పాలన..ఇరాన్‌ను శాసించిన అలీ ఖమేనీ ప్రస్థానం ఇదే!
ఇజ్రాయెల్‌-అమెరికా కలిసి సంయుక్తంగా చేసిన భీకర దాడుల్లో ఇరాన్ సుప్రీం లీడర్ అయతుల్లా అలీ ఖమేనీ మృతి చెందారు. ఈ విషయాన్ని ఇరాన్ కొద్దిసేపటి క్రితమే అధికారికంగా ప్రకటించింది.