Turmeric: పసుపును ఇలా నిల్వ చేయాలా..! తప్పకుండా తెలుసుకోండి

Turmeric: పసుపు లేని భారతీయ ఆహారాన్ని మీరు ఊహించగలరా? పసుపుతో మనకు పరిచయం బాల్యం నుంచే మొదలవుతుంది. భారతీయ ఇళ్లలో జలుబులో చేసినప్పుడు పసుపును పాలతో కలిపి తాగడం, గాయం అయినప్పుడు పసుపు ముద్దను పూయడం సర్వసాధారణం. దీనితో పాటు పప్పులు, కూరగాయల నుంచి పచ్చళ్ల వరకు దీనిని విరివిగా వాడుతున్నారు. పసుపు ఆహారానికి రుచిని పెంచడమే కాకుండా అందమైన రంగును కూడా ఇస్తుంది. దాని అద్భుతమైన పసుపు రంగు కారణంగా దీనిని భారతదేశ కుంకుమ పువ్వు అని కూడా పిలుస్తారు. ఇది శాకాహారం , మాంసాహారం వంటి రెండు రకాల ఆహారాలలో ఉపయోగించబడుతుంది.

పసుపు లేకుండా భారతీయ మసాలాలను ఊహించలేము. ఇది భారతీయ సంప్రదాయంలో వంటలో మాత్రమే కాకుండా ప్రతి శుభకార్యములో కూడా ఉపయోగిస్తారు. పసుపు పై ​​చేసిన నిరంతర పరిశోధనలలో అది సూపర్ ఫుడ్ అని వెల్లడవుతోంది. సూపర్ ఫుడ్ అనే పదం పోషక ప్రయోజనాలను కలిగి ఉండే ఆహారాలను వివరిస్తుంది. పసుపులో దాదాపు 300కు పైగా పోషకాలు ఉన్నాయని చెబుతారు నిపుణులు. అయితే ఈ పసుపు ఎక్కువ కాలం పాటు శుభ్రంగా, తాజాగా ఉండడానికి ఈ పద్దతిలో నిల్వ చేయండి.

పసుపు నిల్వ చేసే పద్ధతి

పసుపును చల్లని, చీకటి, శుభ్రమైన ప్రదేశంలో ఉంచండి. అవసరాన్ని బట్టి కొద్ది మొత్తంలో తీసి, మిగిలిన పసుపును రిఫ్రిజిరేటర్‌లో ఉంచండి. పసుపును మెత్తగా చేసి నిల్వ ఉంచినట్లయితే, ఒక సంవత్సరం తర్వాత దాని రుచి, రంగు మారడం ప్రారంభమవుతుంది. అందుకని పసుపు కొమ్ముల రూపంలో నిల్వ చేయడం మంచిది. అవసరాన్ని బట్టి పొడి చేసుకోవాలి. పసుపు పొడిని తక్కువ పరిమాణంలో మాత్రమే తయారు చేయడం మంచిది.

ఆరోగ్యం 

• ఇది వాపు , గాయాలను తగ్గించడంలో సహాయపడుతుంది. జీర్ణవ్యవస్థను బలోపేతం చేయడంలో కూడా పసుపు సహాయపడుతుంది. విరేచనాలు, మలబద్ధకం, కడుపునొప్పి సమస్యలకు ఇది దివ్యౌషధం.
• గాయాలు, బెణుకుల పై పసుపు పేస్ట్ అప్లై చేస్తారు. ఇది కీళ్ల నొప్పుల నుంచి కూడా ఉపశమనాన్ని అందిస్తుంది. ఇలా చేయడం వల్ల వాపు తగ్గుతుంది.
• మైగ్రేన్ ఉన్నవారు పసుపును నీళ్లలో కలిపి తాగితే వెంటనే ఉపశమనం లభిస్తుందని చెబుతారు. దీనిలో యాంటీ ఇన్‌ఫ్లమేటరీ గుణాలు ఉంటాయి.
• పచ్చి పసుపు కూడా బరువు తగ్గించడంలో సహాయపడుతుంది. నీటిలో కలిపి తాగడం వల్ల కొవ్వు కరిగిపోతుంది. ఇది డయాబెటిక్ రోగులకు కూడా ఉపయోగకరంగా ఉంటుంది. క్యాన్సర్‌తో పోరాడడంలో కూడా సహాయపడుతుంది.

Also Read: Kitchen Hacks: ఇంట్లో పెరుగు పుల్లగా మారిందా..? అయితే ఈ టిప్స్ మీ కోసమే