/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/11/ttd-jpg.webp)
టీటీడీలో ఉద్యోగం ఇస్తామంటే అంతకంటే భాగ్యం ఏముంటుంది చెప్పండి. అలాంటి టీటీడీలో ఉద్యోగం లభిస్తే ఎవరైనా సంతోషంతో ఉప్పొంగిపోతారు. ఇక ఆ ఉద్యోగం వస్తే లైఫ్ సెటిల్ అయినట్లే. అయితే టీటీడీ ఏఈఈ పోస్టుల భర్తీకి దరఖాస్తులు కోరుతోంది. మొత్తం ఏఈఈ ఎలక్ట్రికల్ 4 పోస్టుల భర్తీకి గాను నోటిఫికేషన్ రిలీజ్ చేసింది. ఈ పోస్టులకు దరఖాస్తు ప్రక్రియ కొనసాగుతోంది. చివరి గడువు ఇంకా పదిరోజులు మాత్రమే మిగిలి ఉంది. దరఖాస్తు చేయాలనుకునేవారు వెంటనే చేసుకోండి. టీటీడీలోని ఏఈఈ ఎలక్ట్రిక్ విభాగంలో రిక్రూట్ మెంట్ చేసుకునేందుకు నోటిఫికేషన్ విడుదల చేసింది. ప్రస్తుతం ఈ శాఖలో నాలుగు ఖాళీలు ఉన్నాయి.
అర్హతలు:
పై పోస్టులకు దరఖాస్తు చేసుకునే అభ్యర్థులు బీఈ (ఎలక్ట్రానిక్స్ లేదా ఎలక్ట్రికల్ )ఉత్తీర్ణత ఉండి ఆంధ్రప్రదేశ్ కు చెందిన హిందూ మతస్థులు మాత్రమే ఈ పోస్టులకు దరఖాస్తు చేసుకునేందుకు అర్హులుగా టీటీడీ పేర్కొంది.
వేతనం:
ఈ పోస్టులకు ఎంపికైన అభ్యర్థులకు నెలకు రూ. 57,100 నుంచి 1,47,760 వరకు జీత భత్యం చెల్లిస్తుంది టీటీడీ.
వయోపరిమితి:
వయస్సు 42ఏళ్లకు మించి ఉండకూడదు. ఎస్సీ, ఎస్టీ, బీసీ, ఈడబ్య్లూఎస్ అభ్యర్థులకు 5ఏళ్లు , పీహెచ్ అభ్యర్థులకు 10ఏళ్ల వయో సడలింపు ఉంటుంది.
ఎంపిక విధానం:
ఈ పోస్టులకు ఎంపిక చేసే అభ్యర్థులకు రాత పరీక్ష, ఇంటర్వ్యూ, ధ్రుపత్రాల పరిశీలన, వైద్య పరీక్షల ఆధారంగా ఎంపిక చేస్తారు.
ఆన్ లైన్ అప్లికేషన్ చివరి తేదీ:
దరఖాస్తులు ఆన్ లైన్ ద్వారా చేసుకోవల్సి ఉంటుంది. చివరి తేదీ డిసెంబర్ 19, 2023.