రానున్న ఎన్నిల్లో జనసేనపార్టీ అభ్యర్థులను గెలిపించాలంటూ మీకు రెండు చేతులెత్తి నమస్కరిస్తూ అభ్యర్థిస్తున్నాన్నారు. తనకు ఎంపీలనిస్తే పనులు చేయిస్తాన్నారు. జనసేనకు ఓటు షేర్ ఉందని కాబట్టి ప్రధానిమంత్రి మోడీ పవన్ కల్యాణ్ ను పిలిచారంటూ తెలిపారు. ఇక సీఎం జగన్ పై తనదైన శైలిలో విమర్శలు గుప్పించారు పవన్ కల్యాణ్. జగన్ కు మూడు కంపెనీలు ఉన్నాయని…వాటికి రూ. 10వేల కోట్లు పోతున్నాయని..తనకు ఎవరితోనూ కుమ్మక్కు కావాల్సిన అవసరం లేదంటూ సంచలన వ్యాఖ్యలు చేశారు జనసేనాని.

అంతకుముందు కాకినాడలో పవన్ కల్యాణ్ మాట్లాడారు. వైసీపీ ఎమ్మెల్యే ద్వారంపూడి చంద్రశేఖర్ రెడ్డిపై నిప్పులు చెరిగారు. తనకు కోన్ కిస్కాగాళ్లంటే అస్సలు భయం లేదన్నారు. 2019లో వైసీపీ అధికారింలోకి వచ్చినప్పుడు పీకలదాకా తాగి, మద్యం మత్తులో బండబూతులు తిట్టాడంటూ పవన్ ఆరోపించారు. కాకినాడ ఎమ్మెల్యేకు నోటిదూలతోపాటు ఒళ్లుతిమ్మిరికూడా చాలా ఎక్కువ ఉందంటూ పవన్ చురకలంటించారు.