Jagananna Vidya Deevena: గుడ్ న్యూస్.. నేడే అకౌంట్లోకి డబ్బు జమ

CM Jagan: ఈ రోజు భీమవరంలో పర్యటించనున్నారు సీఎం జగన్. ఈ పర్యటనలో భాగంగా జగనన్న విద్యాదీవెన పథకం కింద జూలై- సెప్టెంబర్ త్రైమాసికానికి సంబంధించిన డబ్బులను సీఎం జగన్ బటన్ నొక్కి డబ్బు జమ చేయనున్నారు. నేరుగా తల్లుల ఖాతాలో ఈ డబ్బు జమ కానుంది. ఈ పథకం ద్వారా రాష్ట్రంలోని 8,09,039 మంది పేద విద్యార్థులకు లబ్ధి చేకూరనుంది. జగనన్న విద్యా దీవెన పథకం కింద రాష్ట్ర ప్రభుత్వం శుక్రవారం రూ. 584 కోట్లు విడుదల చేయనుంది. మొదటగా ఈనెల 12వ తేదీన కర్నూల్‌లో జరగాల్సిన సభను.. డిసెంబర్‌ 19వ తేదీకి వాయిదా వేశారు. అనంతరం డిసెంబర్‌ 29వ తేదీకి భీమవరంలో ఫైనల్ వేశారు. ఈ పథకం కోసం జగన్ సర్కార్ దాదాపు రూ.18,576 కోట్లు ఖర్చు చేస్తోంది.

సీఎం జగన్ అమలు చేస్తున్న జగనన్న విద్యా దీవెన(Jagan Vidya Deevena) కింద హాస్టళ్లలో ఉంటూ చదువుకునే పేద విద్యార్థుల భోజన, వసతి ఖర్చుల కోసం ఇబ్బందిపడకుండా ఏటా రెండు విడతల్లో ఐటీఐ విద్యార్థులకు రూ.10 వేలు, పాలిటెక్నిక్‌ విద్యార్థులకు రూ.15 వేలు, డిగ్రీ, ఇంజనీరింగ్, మెడిసిన్‌ తదితర కోర్సులు చదువుకునే వారికి రూ.20 వేల చొప్పున జ‌గ‌న‌న్న వ‌స‌తి దీవెన ప‌థ‌కం ద్వారా ఆర్థిక‌ సాయం అందిస్తోంది జగన్ సర్కార్.

సీఎం జగన్‌ భీమవరం పర్యటన వివరాలు..

* ఈ రోజు ఉదయం 10 గంటలకు తాడేపల్లిలో క్యాంపు కార్యాలయం నుంచి బయలుదేరి 10.05 గంటలకు తాడేపల్లిలోని హెలీప్యాడ్‌ వద్దకు చేరుకుంటారు.
* 10.10 గంటలకు హెలికాప్టర్‌లో బయలుదేరి 10.40 గంటలకు భీమవరం లూథరన్‌ హైస్కూల్‌ గ్రౌండ్‌లో నిర్మించిన హెలీప్యాడ్‌ వద్దకు చేరుకుంటారు. కొద్దిసేపు అక్కడ ప్రజా ప్రతినిధులతో భేటీ అవుతారు.
* 10.55 గంటలకు హెలీప్యాడ్‌ వద్ద నుంచి బయలుదేరి 11.15 గంటలకు సభా ప్రాంగణానికి చేరుకుని జగనన్న విద్యా దీవెన నిధులు విడుదల చేసి సభలో పాల్గొంటారు.
* మధ్యాహ్నం 12.30 గంటలకు సభ నుంచి బయల్దేరి లూథరన్‌ హైస్కూల్‌ హెలీప్యాడ్‌ వద్దకు చేరుకుంటారు. అక్కడ ప్రజా ప్రతినిధులు, స్థానిక నాయకులతో ముచ్చటించనున్నారు.
* మధ్యాహ్నం 1.45 గంటలకు లూథరన్‌ హైస్కూల్‌ నుంచి హెలికాప్టర్‌లో తాడేపల్లిలోని తన నివాసానికి పయనమవుతారు.

ALSO READ:

1. మల్కాజిగిరి బీజేపీ అభ్యర్థిగా ఈటల! అమిత్ షా గ్రీన్ సిగ్నల్..!
2. ఒక్క క్లిక్‌తో అభయహస్తం అప్లికేషన్ ఫామ్.. మీ మొబైల్‌లోనే ఇలా డౌన్లోడ్ చేసుకోండి!