ఇమ్రాన్ ఖాన్ కు బిగ్ రిలీఫ్.... ట్రయల్ కోర్టు తీర్పును రద్దు చేసిన హైకోర్టు....!

పాక్ మాజీ ప్రధాని ఇమ్రాన్ ఖాన్‌కు ఊరట లభించింది. తోఫాఖానా అవినీతి కేసులో కింది కోర్టు ఇచ్చిన తీర్పును ఇస్లామాబాద్ హైకోర్టు కొట్టి వేసింది. ఈ మేరకు తోఫాఖానా కేసులో ఆయనకు విధించిన మూడేండ్ల జైలు శిక్షను హైకోర్టు రద్దు చేసింది. ఈ నేపథ్యంలో ఆయన జైలు నుంచి విడుదల కానున్నారు. హైకోర్టు తీర్పుపై ఆయన మద్దతుదారులు ఆనందం వ్యక్తం చేస్తున్నారు.

తోఫాఖానా కేసులో ట్రయల్ కోర్టు ఇమ్రాన్ ఖాన్ ను దోషిగా నిర్దారించింది. ఈ కేసులో ఆయనకు మూడేండ్ల జైలు శిక్ష విధిస్తూ ఈ నెల5న ట్రయల్ కోర్టు తీర్పు వెల్లడించింది. దీంతో ట్రయల్ కోర్టు తీర్పును హైకోర్టులో ఇమ్రాన్ ఖాన్ సవాల్ చేశారు. ఆ పిటిషన్ పై ధర్మాసనం గురువారం విచారణ చేపట్టింది. ఇమ్రాన్ ఖాన్ తరఫఉన ప్రముఖ న్యాయవాది లతీఫ్ ఖోసా వాదనలు వినిపించారు.

ఈ కేసులో కోర్టు తొందరపాటులో తీర్పు వెల్లడించిందని లతీఫ్ అన్నారు. న్యాయస్థానం ఇచ్చిన తీర్పులో కొన్ని లోపాలు ఉన్నాయని ఆయన వివరించారు. అందువల్ల ట్రయల్ కోర్టు ఇచ్చిన తీర్పును పక్కన బెట్టాలని హైకోర్టును ఆయన కోరారు. ఈ కేసులో తమ వాదనలు వినిపించేందుకు మరింత సమయం కావాలనిఎన్నికల సంఘం తరఫు న్యాయవాది కోరారు.

కానీ శుక్రవారం ఎన్నికల సంఘం తరఫు న్యాయవాద గైర్హాజరయ్యారు. అనారోగ్య కారణాల వల్ల తాను కోర్టుకు హాజరు కాలేకపోతున్నానని ధర్మాసనానికి ఆయన తెలిపారు. దీంతో ఈ కేసులో విచారణను సోమవారానికి వాయిదా వేసింది. ఈ కేసులో సోమవారం వాదనలు విన్న ధర్మాసనం తీర్పును మంగళవారానికి రిజర్వు చేసింది. తాజాగా ఈ రోజు విచారణ చేపట్టిన ధర్మాసనం ట్రయల్ కోర్టు తీర్పును రద్దు చేస్తూ తీర్పు వెల్లడించింది.

నెయ్యితో చేసిన దేశీ చికెన్, మటన్, ఎయిర్ కూలర్…అదృష్టం అంటే నీదే సామి..!!