బరువు తగ్గేందుకు చికెన్, పనీర్ లో ఏది మంచిది?

శరీరానికి ప్రోటీన్ చాలా అవసరం. ముఖ్యంగా బరువు తగ్గాలనుకునేవారు తమ డైట్​లో కచ్చితంగా ప్రోటీన్​ ఉండేలా చూసుకోవాలి అంటున్నారు. ప్రోటీన్ అనేది శరీరానికి అవసరమైన, అతిముఖ్యమైన సోర్స్. ఇవి ఎక్కువసేపు కడుపు నిండుగా ఉండేలా చేసి.. మిమ్మల్ని సంతృప్తిగా ఉంచుతాయి. ఆకలి తగ్గి.. అన్​ హెల్తీ స్నాక్స్ జోలికి వెళ్లకుండా ఉండేలా హెల్ప్ చేస్తుంది. అంతేకాకుండా గ్లూకాగాన్ లాంటి పెప్టెడ్​, కోలిసిస్టోకినిన్​ వంటి హార్మోన్లు కడుపు నిండుగా ఉండేలా హార్మోన్లను ప్రేరేపిస్తాయి. ఆకలిని తగ్గించడమే కాకుండా.. కడుపు నిండుగా ఉండి.. చిరుతిళ్లవైపు దృష్టి మళ్లకుండా చేస్తాయి.

పనీర్, చికెన్.. ఈ రెండూ ప్రోటీన్​కు మంచి సోర్స్. వీటిలో ప్రోటీన్​తో పాటు.. పొటాషియం, మెగ్నీషియ, కాల్షియం వంటి పోషకాలతో నిండి ఉంటాయి. ఇవి అధిక రక్తపోటును కంట్రోల్ చేయడంలో, తగ్గించడంలో సహాయం చేస్తాయి. అయితే ఈ రెండూ బరువు తగ్గడంలో ఎలాంటి ఫలితాలు చూపిస్తాయో.. వీటిని ఎలా తీసుకుంటే బరువు తగ్గుతారో.. హెల్తీగా ఉండడంలో ఈ రెండు చేసే ప్రయోజనాలపై నిపుణులు ఇచ్చే సలహా ఏమిటో తెలుసుకుందాం. దీని గురించి తెలియాలంటే అసలు చికెన్​, పనీర్​లో ఎంత ప్రోటీన్ ఉందో తెలుసుకోవాలి.

వంద గ్రాముల పనీర్ తీసుకుంటే దానిలో 18 గ్రాముల ప్రోటీన్​ అందుతుంది. అలాగే చికెన్​ను 100 గ్రాములు తీసుకుంటే దాని ద్వారా మీరు 27 గ్రాముల ప్రోటీన్​ను పొందవచ్చు. అయితే 100 గ్రాముల పనీర్ తీసుకోవడం వల్ల 22 గ్రాముల కొవ్వు లభిస్తుంది. చికెన్​లో దీని శాతం చాలా తక్కువ. 3 గ్రాముల కొవ్వు మాత్రమే ఉంటుంది. అంతేకాకుండా పనీర్, చికెన్​లలో కార్బోహైడ్రేట్​లు చాలా తక్కువగా ఉంటాయి. కేలరీల విషయానికొస్తే.. పనీర్​లో 265 నుంచి 320 కేలరీలు ఉండగా.. చికెన్​లో 165 కేలరీలు మాత్రమే ఉంటాయి.

పనీర్​లో 60 శాతం కొవ్వు.. చెడు కొలెస్ట్రాల్ స్థాయిలను పెంచుతుంది. ఇది గుండె జబ్బులకు దారి తీసే అవకాశముంది. ఈ విషయాన్నిదృష్టిలో పెట్టుకుని.. చికెన్ మంచిదా? పనీర్ బెటరా? అనే విషయాలు తెలుసుకోవాలి. మీరు వెజ్ మాత్రమే తినేవారు అయితే మీ ప్రయారిటీ కచ్చితంగా పనీర్ అవుతుంది. ఒకవేళ రెండూ తినేవారు అయితే.. కేలరీల కౌంట్ తగ్గించుకోవడం కోసం చికెన్​ను తీసుకోవచ్చు. ఇది అన్ని విషయాల్లో బరువు తగ్గేందుకు హెల్ప్ చేస్తుంది. అంతేకాకుండా మెరుగైన జీర్ణక్రియ అందిస్తుంది. కానీ పనీర్ త్వరగా అరిగిపోతుంది. చికెన్ కాస్త ఎక్కువ సమయం తీసుకుంటుంది.