IPL 2024 Play Offs:  ఐపీఎల్ లో ప్లేఆఫ్స్ ఎవరు ఎవరితో ఆడతారు? షెడ్యూల్ ఇదిగో.. 

IPL 2024 Play Offs: రెండు నెలల బ్లాక్‌బస్టర్ యాక్షన్ తర్వాత , IPL 2024 చివరకు ప్లేఆఫ్‌లలో ఆడబోయే నాలుగు జట్లు ఏమిటనేది తేలింది. మ్యాచ్ మ్యాచ్ కి మలుపులు.. ఎవరు ప్లే ఆఫ్స్ కి వెళ్తారనే టెన్షన్ తో ఐపీఎల్ అభిమానులకు ఉత్తేజకరమైన అనుభూతిని ఇచ్చింది. చివరికి ఊహించని ట్విస్ట్ తో ఆర్సీబీ చివరి మ్యాచ్ లో ఉత్కంఠ భరితంగా ప్లే ఆఫ్స్ చేరుకుంది. 

IPL 2024 Play Offs: కోల్‌కతా నైట్ రైడర్స్ మొదటి జట్టుగా అర్హత సాధించి పాయింట్ల పట్టికలో అగ్రస్థానంలో నిలిచేలా చూసుకుంది. వారిని అనుసరించిన రాజస్థాన్ రాయల్స్ టోర్నమెంట్‌ను అద్భుతంగా ప్రారంభించింది. దానిని కొనసాగిస్తూ రెండో ప్లే ఆఫ్ జట్టుగా నిలిచింది. ఇక ప్లేఆఫ్‌కు అర్హత సాధించిన మూడో జట్టు సన్‌రైజర్స్ హైదరాబాద్. చివరగా రాయల్ ఛాలెంజర్స్ బెంగళూరు చివరి లీగ్ స్టేజ్ మ్యాచ్‌లో చెన్నై సూపర్ కింగ్స్‌పై విజయం సాధించిన తర్వాత IPL 2024 ప్లేఆఫ్‌లలోకి ప్రవేశించిన నాల్గవ చివరి జట్టుగా వచ్చింది. 

క్వాలిఫైయింగ్ మ్యాచ్ లు ఇలా.. 

IPL 2024 Play Offs: మొదటి రెండు స్థానాల్లో నిలిచిన జట్ల మధ్య అహ్మదాబాద్‌లోని నరేంద్ర మోదీ స్టేడియంలో క్వాలిఫయర్ 1 జరగనుంది. విజేత నేరుగా ఫైనల్స్ కి వెళుతుంది. క్వాలిఫయర్ 1లో ఓడిన జట్టు చెన్నైలోని ఎంఏ చిదంబరం స్టేడియంలో జరిగే క్వాలిఫయర్ 2లో ఆడుతుంది. అహ్మదాబాద్‌లోని నరేంద్ర మోదీ స్టేడియంలో మూడో, నాలుగో జట్ల మధ్య ఎలిమినేటర్ మ్యాచ్ జరగనుంది. ఎలిమినేటర్‌లో గెలిచిన వారు క్వాలిఫయర్ 1లో ఓడిన వారితో క్వాలిఫయర్ 2లో ఆడతారు. ఈ గేమ్‌లో గెలిచిన జట్టు క్వాలిఫయర్ 1 విజేతతో చెన్నైలోని ఎంఏ చిదంబరం స్టేడియంలో  ఫైనల్స్ లో తలపడుతుంది.

IPL 2024 ప్లేఆఫ్ షెడ్యూల్Also Read: చెన్నై పై ఉత్కంఠభరిత పోరులో గెలిచి.. ప్లే ఆఫ్స్ లో ఆర్సీబీ 

IPL 2024 Play Offs: ఐపీఎల్‌లో డిఫెండింగ్ ఛాంపియన్‌గా ఉన్న చెన్నై సూపర్ కింగ్స్ ఈసారి అర్హత సాధించలేకపోయింది. అలాగే రన్నరప్‌గా నిలిచిన గుజరాత్‌ టైటాన్స్‌ కూడా ఓటమి చెందింది.  IPL 2024 ప్లేఆఫ్‌లకు అర్హత సాధించిన నాలుగు జట్లు మునుపటి ఎడిషన్‌లో మొదటి నాలుగు స్థానాలకు వెలుపల నిలిచాయి. వారందరికీ ఇది మళ్ళీ ఐపీఎల్ లో సత్తా చూపించే అవకాశంగా చెప్పవచ్చు.  ముఖ్యంగా RCB దిగువ నుండి మొదటి నాలుగు స్థానాలకు చేరుకుంది. ఒక జట్టు తమ మూడో టైటిల్‌ను, రెండు జట్లు రెండో టైటిల్‌ను పొందాలని చూస్తుండగా, RCB మొదటిసారిగా టోర్నీ గెలవాలని.. ఎప్పుడూ ట్రోఫీ గెలవరనే అపవాదును  ఛేదించాలని చూస్తుంది.