Investment in Funds : భారీగా పెరిగిన SIP విధానంలో ఇన్వెస్ట్మెంట్స్.. ఎంతంటే.. 

Investment in Funds : సిస్టమాటిక్ ఇన్వెస్ట్‌మెంట్ ప్లాన్స్ (సిప్) ద్వారా పెట్టుబడులు ఫిబ్రవరి నెలలో రూ.19,186 కోట్ల రికార్డు స్థాయికి చేరాయి. జనవరిలో ఇది రూ.18,838 కోట్లుగా ఉంది. ఇదే సమయంలో ఓపెన్ ఎండెడ్ ఈక్విటీ ఫండ్లలో పెట్టుబడి 23% పెరిగి రూ.26,865.78 కోట్లకు చేరుకుంది. మార్చి 2021 నుండి ఈక్విటీ ఫండ్ల(Investment in Funds) లో ఉపసంహరణల కంటే ఎక్కువ పెట్టుబడులు రావడం ఇది వరుసగా 36వ నెల. ఈ AMFI ఇచ్చిన డేటాలో ఈ సమాచారం వచ్చింది.  ఇది కాకుండా 49.79 లక్షల కొత్త సిప్ రిజిస్ట్రేషన్లతో సిప్ ఎకౌంట్స్(SIP Investments) కూడా 8.20 కోట్లకు పెరిగాయి. మ్యూచువల్ ఫండ్ పరిశ్రమ నికర AUM ఫిబ్రవరిలో రూ. 54,54,214.13 కోట్లకు చేరుకుంది.

మిడ్‌క్యాప్, స్మాల్‌క్యాప్ ఫండ్స్‌లో పెట్టుబడులు తగ్గాయి..
గత నెలలో మిడ్‌క్యాప్ ఫండ్స్‌లో ఇన్వెస్ట్‌మెంట్(Investment in Funds) 12% తగ్గింది.  అయితే ఇది ఇప్పటికీ రూ.1808 కోట్ల ఆరోగ్యకరమైన స్థాయిలో ఉంది. స్మాల్‌క్యాప్‌లో పెట్టుబడులు 10% తగ్గి రూ.2922 కోట్ల స్థాయికి చేరాయి. మిడ్‌క్యాప్ - స్మాల్‌క్యాప్‌లో రిస్క్ పెరుగుతుందని గత నెలలో సెబి భయాన్ని వ్యక్తం చేసింది. మ్యూచువల్ ఫండ్స్ స్మాల్ క్యాప్ - మిడ్‌క్యాప్ ఫండ్స్ పోర్ట్‌ఫోలియోలను లోతుగా అధ్యయనం చేసి, అవి ఎంత లిక్విడ్‌గా ఉన్నాయో తెలుసుకోవాలని సెబీ ఆదేశించింది. అంతే  కాకుండా, మ్యూచువల్ ఫండ్‌లు తమ బెంచ్‌మార్క్‌తో పోల్చితే అవి ఎంత అస్థిరతను కలిగి ఉన్నాయో తెలుసుకోవడానికి సెబీ కూడా ఆదేశించింది. దీంతో కొద్దిగా పెట్టుబడులు తగ్గాయని భావిస్తున్నారు. 

Also Read : స్మాల్ సేవింగ్స్ స్కీమ్స్ వడ్డీరేట్లు మారలేదు.. వివరాలు ఇవే!

ఫిబ్రవరిలో డెట్ ఫండ్లలో రూ.63,809 కోట్లు మాత్రమే ఇన్వెస్ట్..
గత నెల ఫిబ్రవరిలో ఓపెన్ ఎండెడ్ ఈక్విటీ ఫండ్స్(Investment in Funds) లో పెట్టుబడులు రూ.26,865.78 కోట్లకు చేరాయి. ఫిక్స్‌డ్ ఇన్‌కమ్ సెగ్మెంట్ గురించి చూస్తే, జనవరిలో రూ.76,469 కోట్లతో పోలిస్తే ఫిబ్రవరిలో డెట్ ఫండ్లలో రూ.63,809 కోట్లు మాత్రమే పెట్టుబడి పెట్టారు.

కార్పొరేట్ బాండ్ కేటగిరీలో రూ. 3,029 కోట్ల పెట్టుబడి..
డెట్ ఫండ్స్‌లో ఇన్వెస్ట్‌మెంట్ సానుకూలంగా ఉంది. స్వల్పకాలిక లిక్విడ్ ఫండ్(Investment in Funds) కేటగిరీలో రూ. 83,642 కోట్ల భారీ పెట్టుబడి కారణంగా ఇది జరిగింది. ఇది కాకుండా కార్పొరేట్ బాండ్ కేటగిరీలో కూడా రూ.3,029 కోట్ల పెట్టుబడి వచ్చింది.

ఓపెన్ ఎండెడ్ మ్యూచువల్ ఫండ్ స్కీమ్‌(Mutual Fund Scheme) లలో రూ.1.19 లక్షల కోట్ల పెట్టుబడులు ఉండగా, మరోవైపు స్వల్పకాలిక ఫండ్ల నుంచి రూ.4100 కోట్లు, ఫ్లోటర్ ఫండ్ల నుంచి రూ.3610 కోట్ల ఉపసంహరణ జరిగింది. మొత్తంమీద, గత నెలలో ఓపెన్ ఎండెడ్ మ్యూచువల్ ఫండ్ పథకాలలో రూ. 1.19 లక్షల కోట్ల నికర పెట్టుబడి ఉండగా, జనవరి 2024లో ఈ సంఖ్య రూ. 1.23 లక్షల కోట్లుగా ఉంది.