Pakistan: దారుణం.. పాలలో విషమిచ్చి 13 మంది హత్య

Pakistan: పాకిస్తాన్‌లోని సింధ్‌ ప్రావిన్స్‌లో విషాదం చోటుచేసుకుంది. భూవివాదాల వల్ల ఒకే కుటుంబానికి చెందిన 13 మందికి పాలలో విషం కలిపి హత్య చేయడం కలకలం రేపుతోంది. ఖైర్‌పూర్‌ సమీపంలోని హైబత్‌ ఖాన్ బ్రోహీ అనే గ్రామంలో ఆగస్టు 19న ఈ ఘటన జరిగినట్లు పోలీసులు తెలిపారు. మృతులు గుల్ బేగ్ బ్రోహి, అతని భార్య, ఐదుగురు కుమారులు, ముగ్గురు కుమార్తెలు, మరో ముగ్గురు బంధువులుగా గుర్తించారు. కుటుంబ పెద్దకు ఆ గ్రామంలో కొంతమందితో భూ వివాదం ఉందని దర్యాప్తులో తేలింది.