International Picnic Day 2024: అంతర్జాతీయ పిక్నిక్ దినోత్సవాన్ని ఎప్పుడు జరుపుకుంటారు? దాని చరిత్ర తెలుసుకోండి!

International Picnic Day 2024: ఈ రోజుల్లో బిజీ లైఫ్‌లో కుటుంబం, స్నేహితుల కోసం సమయం దొరకడం కొంచెం కష్టంగా మారింది. సమయాభావం కారణంగా.. తల్లిదండ్రులు పిల్లలకు తక్కువ సమయం ఇవ్వలేకపోతున్నారు. పిక్నిక్ పేరు వినగానే పిల్లల నుంచి పెద్దల వరకు అందరూ సంతోషిస్తారు. పిక్నిక్ చేయడానికి ఆకుపచ్చ, నిశ్శబ్ద స్థలాన్ని ఎంచుకోవాలి. ప్రతి సంవత్సరం మాదిరిగానే ఈ సంవత్సరం కూడా 18 జూన్ 2024న అంతర్జాతీయ పిక్నిక్ దినోత్సవాన్ని జరుపుకుంటారు. అంతర్జాతీయ పిక్నిక్ డే రోజున స్నేహితులు, కుటుంబం, పిల్లలతో గడపడానికి పిక్నిక్‌లకు వెళ్తారు. విహారయాత్రకు వెళ్లడం వల్ల ప్రకృతితో అనుసంధానం అయ్యి ఒత్తిడి తగ్గుతుంది. అన్ని వయసుల వారు ఈ రోజును ఆనందిస్తారు. ఈ రోజు మీ చుట్టూ ఉన్న వ్యక్తులతో కనెక్ట్ అవ్వడానికి మీకు సహాయపడుతుంది. అయితే అంతర్జాతీయ పిక్నిక్ డే చరిత్ర ఏమిటో చాలామందికి తెలియదు. ఈ రోజు దాని చరిత్ర గురించి కొన్ని విషయాలు తెలుసుకుందాం.

అంతర్జాతీయ పిక్నిక్ డే చరిత్ర:

• అంతర్జాతీయ పిక్నిక్ దినోత్సవాన్ని ప్రతి సంవత్సరం జూన్ 18న ప్రపంచవ్యాప్తంగా జరుపుకుంటారు. ఈ సంవత్సరం కూడా 18 జూన్ 2024 అంటే మంగళవారం అంతర్జాతీయ పిక్నిక్ డే జరుపుకుంటారు. సమాచారం ప్రకారం.. ఈ రోజు వేడుక ఫ్రెంచ్ విప్లవం సమయంలో ప్రారంభమైంది. అప్పట్లో అనధికారికంగా భోజనం చేసేవారు. అనధికారిక భోజనం అంటే బహిరంగ ప్రదేశంలో కూర్చొని ఇంటి బయట ఆహారం తినడం. క్రమంగా పిక్నిక్‌గా పేరు వచ్చింది. పిక్నిక్ అనే పదం ఫ్రెంచ్ భాష నుంచి ఉద్భవించింది. అంటే ప్రకృతి మధ్య అంటే బహిరంగ ఆకాశంలో కూర్చుని ఆహారం తినడం.

ఇంగ్లాండ్ పిక్నిక్ ప్రసిద్ధి:

• నివేదిక ప్రకారం.. 19వ శతాబ్దంలో ఇంగ్లండ్‌లో పిక్నిక్‌లు బాగా ప్రాచుర్యం పొందాయి. సామాజిక సందర్భాలలో అనేక ఆహార పదార్థాలు చేర్చబడ్డాయి. కొన్ని సంవత్సరాలలో రాజకీయ నిరసనల సమయంలో పిక్నిక్‌లు సాధారణ కలయికగా మారాయి.

గిన్నిస్ బుక్ ఆఫ్ వరల్డ్ రికార్డ్స్:

• గిన్నిస్ బుక్ ఆఫ్ వరల్డ్ రికార్డ్స్ పోర్చుగల్‌లో జరిగిన పిక్నిక్‌ను అతిపెద్ద పిక్నిక్‌గా రికార్డ్ చేసింది. పిక్నిక్ సమయంలో సుమారు 20 వేల మంది పాల్గొన్నారు. అంతర్జాతీయ పిక్నిక్ దినోత్సవాన్ని జరుపుకోవడం ద్వారా.. మీరు ప్రకృతిని ఆస్వాదించవచ్చు, ఒత్తిడి నుంచి ఉపశమనం పొందవచ్చని నిపుణులు చెబుతున్నారు.

ఇది కూడా చదవండి: ఈ చిన్న చిట్కాతో మీ ఇల్లు క్లీన్ అండ్ గ్రీన్‌గా మారిపోతుంది!