భారత్‎ను చూసి శత్రుదేశాలు వణకాల్సిందే..ఎందుకో తెలుసా?

భారత ప్రధాని నరేంద్ర మోడీ రెండు రోజుల పర్యటనలో భాగంగా ఫ్రాన్స్ లో ఉన్న సంగతి తెలిసిందే. ఈ పర్యటన రెండు దేశాలకు ఎంతో కీలకం కానుంది. ఈ పర్యటనలో ఇరు దేశాల మధ్య పలు ప్రాజెక్టులపై ఒప్పందాలు కూడా జరిగాయి. అదే సమయంలో ఇప్పుడు భారత ప్రభుత్వం కొత్తతరం యుద్ధ విమానాలతో భారత నావికాదళాన్ని సన్నద్ధం చేసేందుకు రాఫెల్ మెరైన్ ను ఎంపిక గురించి తాజాగా ప్రకటించింది.

భారత నావికాదళానికి చెందిన 26 రాఫెల్‌లు ఇప్పటికే సర్వీసులో ఉన్నప్పటికీ...కొత్త మరో 36 రాఫెల్స్‌లో చేరనున్నాయి. దీని సమాచారం డస్సాల్ట్ ఏవియేషన్ ద్వారా అందింది. ఈ రాఫెల్స్ టెస్ట్ ను విజయవంతం చేసిన తర్వాత ఈ నిర్ణయం తీసుకున్నట్లు వెల్లడించారు. ఈ సమయంలో నావల్ రాఫెల్ భారత నావికాదళం కార్యాచరణ అవసరాలను తీరుస్తుందని.. దాని విమాన వాహక నౌక స్పెసిఫికేషన్‌లకు ఖచ్చితంగా ధీటూగా ఉంటుందని నిరూపించినట్లు తెలిపారు.

భారత నావికాదళం కోసం 26 యుద్ధ విమానాలు రాఫెల్ -ఎమ్ కొనుగోలు ప్రతిపాదనకు డిఫెన్స్ అక్విజిషన్ కౌన్సిల్ గురువారం ఆమోదం తెలిపింది . 26 విమానాల్లో 22 సింగిల్ సీటర్, 4 ట్విన్ సీటర్ అని రక్షణ శాఖ అధికారులు తెలిపారు. ఈ విమానాలను ఫ్రాన్స్‌కు చెందిన డస్సాల్ట్ ఏవియేషన్ నుంచి కొనుగోలు చేయనున్నారు. ఐఎన్‌ఎస్ విక్రాంత్‌లో రాఫెల్ మెరైన్‌ను మోహరిస్తున్నట్లు సమాచారం. 2016 సెప్టెంబర్‌లో రూ. 59,000 కోట్ల విలువైన ఒప్పందం కింద ఫ్రాన్స్‌ నుంచి భారత్‌ 36 రాఫెల్‌ విమానాలను కొనుగోలు చేసిన సంగతి తెలిసిందే.

ఈ ప్రతిపాదనను రక్షణ మంత్రి రాజ్‌నాథ్ సింగ్ నేతృత్వంలోని డిఫెన్స్ అక్విజిషన్ కౌన్సిల్ (డీఏసీ) ఆమోదించడం గమనార్హం. మెరైన్ రాఫెల్ నౌకాదళంలో చేరడంతో నావికాదళం బలం పెరగడమే కాకుండా దానితో పాటు సైనిక పరాక్రమం కూడా పెరుగుతుంది. భారత నౌకాదళంలోకి మెరైన్ రాఫెల్‌ను ప్రవేశపెట్టిన తర్వాత, నావికా దళంలో భారత్ శక్తి అనేక రెట్లు పెరుగుతుంది. రాఫెల్ యొక్క రెండు సంచికలను (ఎయిర్, నేవీ) దాని నౌకాదళంలో చేర్చడానికి భారతదేశం శక్తివంతమైన దేశంగా మారుతుంది. భారత వైమానిక దళం కోసం ఫ్రాన్స్ నుంచి ఇప్పటికే 36 రాఫెల్ విమానాలను కొనుగోలు చేయడం గమనార్హం.