Palastina Refugees: పాలస్తీనా శరణార్ధులకు భారత్ భారీ ఆర్థిక సహాయం..

Palastina Refugees: పాలస్తీనా శరణార్థుల కోసం UN ఏజెన్సీకి భారతదేశం మొదటి విడత 2.5 మిలియన్ యూఎస్ డాలర్లను విడుదల చేసింది. UN ఏజెన్సీ కార్యాలయం ప్రతినిధి రిపోర్ట్స్ ప్రకారం, భారత ప్రభుత్వం 2024-25 సంవత్సరానికి 5 మిలియన్ల యూఎస్ డాలర్ల వార్షిక సహకారంలో భాగంగా యునైటెడ్ నేషన్స్ రిలీఫ్ అండ్ వర్క్స్ ఏజెన్సీ ఫర్ పాలస్తీనా రెఫ్యూజీస్ (UNRWA)కి 2.5 మిలియన్ డాలర్ల  మొదటి విడతను విడుదల చేసింది. ఉంది.

1950 నుండి నమోదిత పాలస్తీనా శరణార్థుల కోసం UNRWA ప్రత్యక్ష సహాయాన్ని, కార్యక్రమాలను నిర్వహిస్తున్నట్లు భారతదేశం సోమవారం తెలిపింది. గాజాలో ఇజ్రాయెల్-హమాస్ యుద్ధం మధ్య ఇజ్రాయెల్ తన పనితీరును కొనసాగించడానికి ప్రయత్నిస్తోంది.

పాలస్తీనా శరణార్థులకు ఉపశమనం
Palastina Refugees: నియర్ ఈస్ట్‌లోని పాలస్తీనా శరణార్థుల కోసం ఐక్యరాజ్యసమితి రిలీఫ్ అండ్ వర్క్స్ ఏజెన్సీకి (UNRWA) భారత ప్రభుత్వం మొదటి విడత 2.5 మిలియన్ డాలర్లను విడుదల చేసిందని రమల్లాలోని భారత ప్రతినిధి కార్యాలయం ఒక ప్రకటనలో తెలిపింది. 2024-25 సంవత్సరానికి భారతదేశం 5 మిలియన్ యుఎస్ డాలర్లు విరాళంగా ఇవ్వనున్నట్టు గతంలోనే ప్రకటించింది. ఇందుకు అనుగుణంగా ఇప్పుడు 2.5 మిలియన్ డాలర్లను విడుదల చేశారు. 

Also Read:  బ్యాంక్‌ సర్వర్‌ హ్యాక్‌.. 5 రోజుల్లో 16 కోట్లు విత్ డ్రా!

35 మిలియన్ డాలర్ల ఆర్థిక సహాయం
గత కొన్ని సంవత్సరాలుగా, పాలస్తీనా శరణార్థులకు మరియు వారి సంక్షేమానికి మద్దతుగా, భారతదేశం 2023-24 నాటికి విద్య, ఆరోగ్య సంరక్షణ, ఉపశమనం, సామాజిక సేవలతో సహా UN ఏజెన్సీ ప్రధాన కార్యక్రమాలు-సేవల కోసం 35 మిలియన్ డాలర్ల ఆర్థిక సహాయాన్ని అందించింది. . 

స్వచ్ఛంద విరాళాల ద్వారా నిధులు..
ఇటీవల న్యూయార్క్‌లో జరిగిన యుఎన్‌ఆర్‌డబ్ల్యుఎ సదస్సులో, ఏజెన్సీ నిర్దిష్ట అభ్యర్థన మేరకు యుఎన్‌ఆర్‌డబ్ల్యుఎకు ఆర్థిక సహాయంతో పాటు అవసరమైన మెడిసిన్స్ కూడా అందజేస్తామని భారత్ ప్రకటించింది. సురక్షితమైన, సమయానుకూలమైన, నిరంతరంగా మానవతా సహాయం అందించాలని భారతదేశం తన పిలుపును పునరుద్ఘాటించింది. UNRWA పూర్తిగా ఐక్యరాజ్యసమితి సభ్య దేశాల నుండి స్వచ్ఛంద విరాళాల ద్వారా నిధులు సమకూరుస్తుంది.