GDP: భారత్ జీడీపీ వృద్ధి రేటు భేష్.. అంచనాలు పెంచిన ఆసియా డెవలప్మెంట్ బ్యాంక్

ఆసియా అభివృద్ధి బ్యాంక్ (ADB) ప్రస్తుత ఆర్థిక సంవత్సరం 2024-25 కోసం భారతదేశ స్థూల దేశీయోత్పత్తి (GDP) వృద్ధి రేటు అంచనాను 7 శాతానికి పెంచింది. అంతకుముందు వృద్ధి రేటు 6.7 శాతంగా అంచనా వేసింది. ADB ప్రకారం, ప్రభుత్వ -  ప్రైవేట్ రంగ పెట్టుబడులు,  వినియోగదారుల డిమాండ్ బలమైన వృద్ధికి మార్గం సుగమం చేస్తుంది. ఆసియా - పసిఫిక్ ప్రాంతంలో భారతదేశం ఒక ముఖ్యమైన వృద్ధి ఇంజిన్‌గా కొనసాగుతుందని ADB 'ఆసియన్ డెవలప్‌మెంట్ ఔట్‌లుక్' ఏప్రిల్ ఎడిషన్ లో పేర్కొంది.

Also Read: ఈ 555 రూల్ పాటిస్తే.. రిటైర్మెంట్ లైఫ్ కోట్లతో ఎంజాయ్ చేయొచ్చు!

2025-26 ఆర్థిక సంవత్సరానికి, ADB భారతదేశ వృద్ధి రేటు(GDP) 7.2 శాతంగా అంచనా వేసింది. ఆర్థిక సంవత్సరం 2023-24 అలాగే, 2024-25 ఆర్థిక సంవత్సరంలో మందగమనం ఉన్నప్పటికీ, వృద్ధి బలంగా ఉంటుంది. అయితే, 2024-25 ఆర్థిక సంవత్సరంలో వృద్ధి అంచనా 2022-23 ఆర్థిక సంవత్సరంలో అంచనా వేసిన 7.6 శాతం కంటే తక్కువగా ఉంది. గత ఏడాది డిసెంబర్‌లో, 2024-25 ఆర్థిక సంవత్సరంలో భారత ఆర్థిక వ్యవస్థలో 6.7 శాతం వృద్ధి(GDP)ని ADB అంచనా వేసింది.

2022-23 ఆర్థిక సంవత్సరంలో తయారీ - సేవల రంగాలు బలమైన ఊపందుకోవడంతో ఆర్థిక వ్యవస్థలో బలమైన వృద్ధి ఉంటుందని ఆసియా అభివృద్ధి ఔట్‌లుక్ పేర్కొంది. “ఈ వేగం ఇంకా కొనసాగుతుంది. వృద్ధి ప్రధానంగా బలమైన పెట్టుబడి, వినియోగదారుల డిమాండ్ మెరుగుదల ద్వారా ఉంటుంది. ప్రపంచ ధోరణులకు అనుగుణంగా, ద్రవ్యోల్బణంలో తగ్గుదల ధోరణి కొనసాగుతుంది”. అంటూ ఏడీబీ అంచనా వేస్తోంది. 

 సాధారణ రుతుపవనాలు, ద్రవ్యోల్బణం ఒత్తిడి తగ్గుదల, తయారీ - సేవల రంగంలో నిరంతర వృద్ధి కారణంగా, ప్రస్తుత ఆర్థిక సంవత్సరంలో 2024-25లో భారతదేశ జిడిపి(GDP) వృద్ధి రేటు పెరుగుతుందని రిజర్వ్ బ్యాంక్ ఆఫ్ ఇండియా (RBI) గత వారం తెలిపింది. ఆర్బీఐ జీడీపీ(GDP)ని 7 శాతంగా అంచనా వేసింది. 

ప్రపంచ ప్రతికూల పరిస్థితులు ఉన్నప్పటికీ, బలమైన దేశీయ డిమాండ్, సహాయక విధానాల బలంతో భారతదేశం అత్యంత వేగంగా అభివృద్ధి చెందుతున్న ప్రధాన ఆర్థిక వ్యవస్థగా కొనసాగుతుందని భారతదేశానికి ADB కంట్రీ డైరెక్టర్ మియో ఓకా అన్నారు. ADB 1966లో స్థాపించారు.  ADBలో 68 సభ్య దేశాలు ఉన్నాయి.  వాటిలో 49 ఆసియా- పసిఫిక్ ప్రాంతానికి చెందినవి.