iPhone Hack : ఈ పొరపాట్లు చేస్తే పక్కాగా ఐఫోన్ హ్యాక్!

iPhone Brand : ఐఫోన్(iPhone) ఈ బ్రాండ్‌కు ఉండే క్రేజే వేరు. యూత్ ఎప్పుడెప్పుడు ఈ ఫోన్ కొందామా అని తెగ ఎదురుచూస్తుంటారు. వీరితో పాటు సెలబ్రిటీలు(Celebrities), పొలిటికల్ లీడర్లు(Political Leaders), స్పోర్ట్స్ స్టార్లు(Sports Stars) ఇంకా ఎందరో లక్షల రూపాయలు పెట్టి మరీ ఐఫోన్లను కొంటూ ఉంటారు. ఎందుకంటే ఇది డిజైన్ పరంగా.. క్వాలిటీ.. సెక్యూరిటీ, సేఫ్టీ ఇంకా ఇతర ఎన్నో ఫీచర్లతో యూజర్లను అట్రాక్ట్ చేస్తుంది. ముఖ్యంగా ఆండ్రాయిడ్ ఫోన్‌తో పోల్చి చూస్తే యాపిల్ ఫోన్లో ఆప్షన్లు ప్రత్యేకంగా ఉంటాయి. సెక్యూరిటీ పరంగా ఎలాంటి ఇబ్బందీ ఉండదని చాలా మంది నమ్ముతారు. యాపిల్ ఫోన్‌ను ఎవ్వరూ హ్యాకింగ్ చేయలేరని నమ్మకంతో ఉంటారు. అయితే యాపిల్ ఇటీవల భారతదేశంలోని రాజకీయ నాయకులను, 150 ఇతర దేశాలలోని వ్యక్తులను సైబర్ అటాక్స్ గురించి హెచ్చరించింది. తమ డివైజ్‌‌లను రక్షించుకోవడానికి లాక్‌డౌన్ మోడ్ ఆన్ చేసుకోవాలని యాపిల్ కంపెనీ సూచించింది.
మరోవైపు కొన్ని మాల్వేర్ వైరస్‌లు, కొన్ని ట్రిక్స్‌తో హ్యాకర్ల టీమ్స్ యాపిల్ ఫోన్‌ను సైతం హ్యాకింగ్ చేసేందుకు రెడీగా ఉన్నాయి. ఐఫోన్ యూజర్లు చేసే కొన్ని పొరపాట్ల వల్ల వ్యక్తిగత సమాచారం కోల్పోవాల్సి రావొచ్చు. అలా జరగకుండా ఉండాలంటే ఏం చేయాలో తెలుసుకోండి..

మీరు వాడే ఐఫోన్‌లో వైరస్ లేదా హానికరమైన సాఫ్ట్‌వేర్ ఏదీ ప్రవేశించలేదని నిర్ధారించేందుకు యాపిల్ అనేక రకాల అప్డేట్లను రిలీజ్ చేసింది. ఫోన్ సెట్టింగులకు వెళ్లి iOS సాఫ్ట్‌వేర్ క్రమం తప్పకుండా అప్‌డేట్ చేయండి. అప్పుడు మీ ఫోన్ వైరస్ ఫ్రీ అవుతుంది. దీంతో మీరు నిశ్చింతగా ఉండొచ్చు.మీరు వాడే ఐఫోన్లో ఏదైనా నకిలీ లేదా అనుమానస్పద లింకులపై క్లిక్ చేయడం వల్ల హ్యాకింగ్ అయ్యే అవకాశాలు ఎక్కువగా ఉంటాయి. మీకు వచ్చిన ఏదైనా లింకులపై క్లిక్ చేసే ముందు దాని URL, పేరు, స్పెల్లింగ్‌ను బాగా తనిఖీ చేయాలి. పబ్లిక్ wifiని కూడా వాడటం మానుకోండి.

Also Read : సుప్రీంకోర్టుకు చేరిన కొవిషీల్డ్ వ్యాక్సిన్ వివాదం.. విచారణ కోసం పిటిషన్ వేసిన న్యాయవాది

ప్రస్తుతం మనం వాడే ఫోన్లలో అనేక రకాల యాప్స్ ఉన్నాయి. చాలా వరకు యాప్స్ వాటి కార్యాచరణకు మించి అనేక పర్మిషన్లు అడుగుతున్నాయి. మీరు యాప్‌ని డౌన్‌లోడ్ చేస్తున్నా అనవసరమైన విషయాల గురించి పర్మిషన్స్ కోరుతుంటే అప్రమత్తం అవ్వాలి. ఆ టైంలో ఆ యాప్ రివ్యూలు, రేటింగులు, సెక్యూరిటీ గురించి చెక్ చేయండి.ఎవరైనా ఐక్లౌడ్‌కు ఫోన్‌ను బ్యాకప్ చేస్తే, బలమైన పాస్‌వర్డ్‌ను ఉపయోగించాలి. మీ సెక్యూరిటీ లెవెల్స్ పెంచడానికి యాపిల్ రెండు కారకాల ప్రమాణీకరణనను ఆన్ చేయాలి. అలాగే స్ట్రాంగ్ పాస్ వర్డ్స్ పెట్టుకోవాలి. మీరు ఐఫోన్‌ను వాడుతుంటే, అందులోని సాఫ్ట్‌వేర్‌పై చాలా పరిమితులున్నాయని గుర్తించాలి. ఏదైనా యాప్ సర్వీసు ప్రయోజనాలు పొందాలంటే వాటికి సంబంధించిన పర్మిషన్లను పూర్తిగా ఆఫ్ చేయకండి. అలా చేయడం వల్ల ఫోన్ కెపాసిటీ తగ్గొచ్చు.

ఐఫోన్ తప్పుడు వ్యక్తి చేతుల్లోకి వెళ్తే.. వారు మీ ఫోన్లో స్పైవేర్‌ను ఇన్‌స్టాల్ చేయొచ్చు. ఫలితంగా, మీ ఫోన్ డేటా, ఈమెయిల్‌ను కూడా హ్యాకర్లు ఈజీగా హ్యాకింగ్ చేయొచ్చు. కాబట్టి ఈ విషయంలో చాలా జాగ్రత్తగా ఉండాలి.కొత్తగా వచ్చిన ఐఫోన్ అయినా లేదా పాత స్మార్ట్ ఫోన్ అయినా ప్రతి ఒక్కదానిలో కొన్ని రకాల లోపాలున్నాయి. వీటి గురించి ప్రభుత్వం, నిపుణులు నిర్దిష్ట సమయంలో హెచ్చరిస్తున్నారు. కాబట్టి మీరు వాడే ఫోన్లలో సాఫ్ట్ వేర్ అప్డేట్ చేయడం, నకిలీ యాప్‌లను అన్ ఇన్‌స్టాల్ చేయడం తదితర సెక్యూరిటీ, ప్రైవసీకి సంబంధించిన పనులను ఎప్పటికప్పుడు చేస్తూ ఉండాలి. అప్పుడే మీ ఫోన్లో డేటా సురక్షితంగా ఉంటుంది.