/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/10/cricket-fight-jpg.webp)
ఈ మధ్య కాలంలో స్టేడియంలో ఫ్యాన్స్‌ తన్నుకునే ఘటనలు ఎక్కువ ఐపోతున్నాయి. ఈ ఏడాది ఐపీఎల్‌ సమయంలో ఢిల్లీ వర్సెస్‌ సన్‌రైజర్స్ మ్యాచ్ జరుగుతున్నప్పుడు ఫ్యాన్స్‌ కొట్టుకున్నారు. ఢిల్లీ అరుణ్ జైట్లీ(arun jaitley) స్టేడియంలో ఈ ఘటన జరగగా.. మరోసారి అవే గ్యాలరీలు కొట్లాటకు వేదికయ్యాయి. వరల్డ్‌కప్‌లో భాగంగా ఇండియా(India) వర్సెస్‌ అఫ్ఘాన్‌(Afganistan) మ్యాచ్ జరిగింది. ఈ మ్యాచ్‌లో ఇండియా గెలిచిన విషయం తెలిసిందే. ఓవైపు మ్యాచ్‌లో రోహిత్‌ శర్మ అఫ్గాన్‌ బౌలర్లను బాదుటుంటే మరోవైపు స్టేడియంలో కొంతమంది తన్నుకోవడం చర్చనీయాంశమవుతోంది. దీనికి సంబంధించిన వీడియో సోషల్‌మీడియాలో వైరల్‌గా మారింది. ఢిల్లీ స్టేడియంలో ఫైటింగ్‌ అంటూ ట్రేండ్‌ అవుతున్న ఈ వీడియో ఫేకా, రియలా అన్న విషయంపై ఇప్పటివరకు స్పష్టత లేదు. అయితే ఢిల్లీకి చెందిన క్రికెట్ ఫ్యాన్స్‌ మాత్రం ఇది నిన్నటి మ్యాచ్‌లో జరిగిన ఘటనే అంటున్నారు.
అసలు ఎందుకు తన్నుకున్నారు?
ఓ వ్యక్తితో మరో 10మంది వాగ్వాదానికి దిగారు. రీజన్ ఏంటో తెలియదు. ఇప్పటివరకు స్టేడియం వర్గాలు కానీ ఇతర క్రికెటర్ రిలేటడ్‌ అధికారులు కానీ దీనిపై స్పష్టత ఇవ్వలేదు. గొడవ స్లోగానే స్టార్ట్ అయినా తర్వాత అది కొట్టుకునే వరకు వెళ్లింది. ఒక వ్యక్తిని రౌండప్‌ చేసి మిగిలిన వారు తన్నారు. ఇష్టం వచ్చినట్టు కొట్టారు. ఇది స్టేడియంలోనే ఉన్న ఎవరో వీడియో తీసి ట్విట్టర్‌లో పెట్టారు. క్షణాల్లో వైరల్‌గా మారిపోయింది. ఇంతకి ఈ గొడవకు కారణం ఏంటి? ఎందుకు తన్నుకున్నారు? అన్నది తేలాల్సి ఉంది.
గతంలోనూ ఇలానే:
నిజానికి ఇలా క్రికెట్ మ్యాచ్‌లో అరుణ్ జైట్లీ స్టేడియం స్టాండ్స్‌లో గొడవ జరగడం ఇదే మొదటిసారి కాదు. ఈ ఏడాది ఐపీఎల్‌ సీజన్‌లో ఢిల్లీ క్యాపిటల్స్, సన్‌రైజర్స్ హైదరాబాద్ మధ్య జరిగిన మ్యాచ్‌లో అభిమానులు గొడవపడ్డారు. గత నెలలో కొలంబో వేదికగా ఇరు జట్ల మధ్య జరిగిన వన్డే మ్యాచ్ తర్వాత అఫ్ఘాన్‌, పాకిస్థాన్ క్రికెట్ అభిమానులు ఘర్షణకు దిగారు. పాకిస్థాన్, అఫ్ఘాన్‌ అభిమానుల గ్రూప్‌ పరస్పరం ఘర్షణకు దిగింది. పాక్‌, అఫ్ఘాన్‌ ఫ్యాన్‌ ఒకరినొకరు కొట్టుకున్నారు. ఇక గతేడాది ఆసియా కప్‌లో కూడా ఈ రెండు టీమ్‌ ఫ్యాన్స్‌ పిచ్చిగా తన్నుకున్నారు. షార్జా స్టేడియంలో రెండు జట్ల అభిమానులు మధ్య జరిగిన గొడవ అప్పట్లో రచ్చకు దారి తీసింది. ఘర్షణల కారణంగా స్టేడియంలో ఆస్తినష్టం జరిగింది. ఆసియా కప్ సూపర్ 4 స్టేజ్ మ్యాచ్‌లో పాకిస్థాన్ చివరి ఓవర్‌లో గెలిచిన సమయంలో విధ్వంసం జరిగింది.
ALSO READ: క్రికెట్ చరిత్రలో ఒకే ఒక్కడు.. ఏకంగా సచిన్‌ రికార్డునే లేపేసిన మొనగాడు..!